Меню
16+

Сетевое издание "Району яшаву"  «Будни района»

10.12.2021 10:07 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Эсделик сагьат оьтгерилди

Ноябр айны 19-нда Къарабу­дагъгент Баш китапханада Къызыл Юлдуз орденни 4 керен кавалери болгъан, Уллу Ватан давну ортакъчысы Гьизбулла Гьиравовгъа багъышланып «Герти Игит» деген эсделик сагьат оьтгерилди.

Чарада китапхананы, музейни къуллукъчулары, Къарабудагъгент 1 ва 3 номерли орта школаланы охувчулары, районну тамазаларыны Советини председатели Абдулгьамит Мамагишиев, Гьизбулла Гьиравовну дос-къардашлары, торунлары: Къарабудагъгент ЦРБ-ни баш врачы Расул Гьиравов, КЦСОН-ну ёлбашчысыны орунбасары Насритдин Гьиравов, Къарабудагъгент 3 номерли орта школаны муаллими Женнет Гьиравова ва башгъа чакъырылып гелген къонакълар ортакъчылыкъ этди. Къонакълар Гь.Гьиравовну яшав ва дав ёлларына гёре гьазирленген китап ва сурат выставкагъа, стендлеге къарап битген сонг, ерлешип олтурдулар.

Эсделик сагьатны ачып, гелгенлер булан саламлашгъан сонг, баш китапханачы Азинат Пашаева Гьизбулла Гьиравовну дав ёллары гьакъда хабарлады. Ол Къызыл Юлдуз гьар орденин не вакъти ва нечик Гь.Гьиравовгъа тапшурулгъаны гьакъда айтды.

-Фронтгъа бизин райондан 4 минг адам гетген, оланы 400-ю Къарабудагъгент юртдан болгъан. Оланы арасында Гьизбулла Гьиравов да болгъан. Ол дав башланып биринчи гюнлерден башлап гёнгюллю кюйде давгъа гетме сююп арза язгъан.

Шолайлыкъда, узакъ къалмай Гь.Гьиравовну давгъа йибере.

Гьизбулла Гьиравов асгер ёлдашлары булан Москва бойлагъа йибериле. Шо заман немис асгерлени инг бек еликген ва къутургъан заманы болгъан.

Олар бар гючюн Москва бойланы ва Сталинград шагьарны елемек учун бакъдыргъан болгъан…

Давда гёрсетген къоччакълыкълары саялы Гь.Гьиравов Къызыл Юлдуз ордени булан 4 керен савгъатлана. Полкну командири гвардияны майору Гьизбулла Гьиравовну тёшюне 4-нчю керен Къызыл Юлдузну орденни 1945-нчи йылны май айыны 11-нде тагъа.

Гь.Гьиравов учун дав Эльба ­оьзенни ягъасында бите.

Сёз берилген А.Мамагишиев Гьизбулла Гьиравовну давдан сонггъу яшаву ва загьматы гьакъда хабарлай. Давда игит кюйде ябушгъан къоччакъ загьматгъа да шолай гиришгени гьакъда айта. Ол кёп тюрлю ерлерде ишлегени гьакъда эсгере туруп, къайда ишлесе де Гь.Гьиравов халкъны ягъындан абур-сый къазанып тургъанын айта.

Игитни торунлары гьариси ­оьзлени уллатасыны гьакъында хабарлады.

Сёз берилген охувчулар игитге багъышлап оьзлер къургъан шиъруланы гёнгюнден охуду. Чара Гь.Гьиравовну яшав ва дав ёлларын суратлайгъан слайдланы гёрсетив булан тамамланды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3