Меню
16+

Сетевое издание "Району яшаву"  «Будни района»

26.11.2021 10:33 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ортакъчылыкъ этдилер

Автор: Шихав Къайирбеков

Россия Федерацияны Президенти Владимир Путин юрт хозяйство продукталаны багьаларыны гьатдан озуп гётериливюню алдын алмакъ учун регионланы гьакимбашларына тайышывсуз кюйде юрт хозяйство сурсат продукталар сатылагъан ярмакюлер оьтгерме таклиф этген.

ДР-ни Башчысы Сергей Меликов Президентни тапшурувун яшавгъа чыгъара туруп, республиканы шагьарларында, районланы райцентрларында юрт хозяйство продукталар сатылагъан ярмакюлени оьтгеривню оьзюню тергевюню тюбюнде сакълай.

Муна, ноябр айны 20-нда Буйнакск шагьарда юрт хозяйство продукталар сатылагъан районара ярмакю оьтдю.

Мердешли кюйде, республика оьлчевде оьтгерилеген ярмакюлерде бизин районну юрт хозяйство продукталар болдурувчулары да актив кюйде оьзлени ортакъчылыгъын болдуралар.

Буйнакск шагьарда оьтгерилген юрт хозяйство ярмакюде бизин райондан КФХ-лар: «Арслан» (ёлбашчысы Калимулла Пайзуллаев), КФХ «Къакъашура Сют булакъ» (ёлбашчысы Атай Расулов), КФХ «Акаимов, (ёлбашчысы Алимагьаммат Акаимов) КФХ «Исаев Абдулгьамит», СПК «Далап», СПК «Кавгин» ­оьзлени продукциясы булан ортакъчылыгъын болдурдулар. Демек, бизин районну фермерлери ярмакюге юзюм, акъ къатыкълар ва оьзге сурсат продукталары булан шагьарлыланы, ярмакюге гелген къонакъланы разилигин къазанды.

Эсгерме тарыкъ, ярмакюге бизин райондан баргъан делегацияны районну башчысыны 1-нчи орунбасары Ибрагьим Абдулмежитов, райцентрны А.Къаплановну атындагъы эргишилени хору узатгъан. Олар къурч йырлагъан ­халкъ йырлары ярмакюге гелгенлени гёнгюн ачгъан.

Къошма герек, ДР-ни юрт хозяй­ство ва ашамлыкъ министрини ­заманлыкъгъа борчларын кютеген­ Баттал Батталов бизин районну павильонуна къарагъан, районну юрт хозяйство продукталар болдурувчулары ярмакюге гелтирген акъ къатыкъланы, авлакъ ниъматланы татывуна, сан янына къарагъан ва ярмакюлерде актив кюйде ортакъчылыкъ этегени саялы разилигин билдирген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4