Ана тилим – алтын хазна
Октябр айны 21-нде Дёргели юрт китапханада Дагъыстан маданиятыны ва тиллерини гюнюне багъышланып «Тил – халкъны тарихи» деген тарих сагьат оьтгерилди.
Тарих сагьатны ачгъан ва юрютген юрт китапхананы ёлбашчысы Айшат Изиева элибизни маданияты ва тиллери гьакъда охувчулагъа арив хабарлады.
Дёргели бир номерли орта школаны муаллими Ирайгьанат Имаева дагъыстан тиллени гьакъында маълуматлар гелтире туруп сёйледи.
– Дагъыстан – кёп миллетлени халкълары яшайгъан республика. Олар барысы да бир-бири булан дослукъда ва татывлукъда яшагъан ва яшай. Мунда яшайгъанлар бир-бирини культурасына, тилине абур эте. Гьар халкъны тил ва культурасы – бары да Дагъыстанда яшайгъанланы ругь байлыгъы болуп токътай. Оланы барысыны да культурасы бир умуми дагъыстан культурагъа айлана,- деп хабарлай ол.
Сонг юрт китапхананы актив охувчулары Маликат Муталимова, Патиматзагьра Атаева, Зайнап Гьажиева, Марьям Насрутдинова, Хадижат Изиева къумукъ шаирлер Узлипат Ибрагьимованы, Магьаммат Атабаевни, Супиянат Мамаеваны, Агьмат Жачаевни, Нурьяна Арсланбекованы шиъруларын гёнгюнден охуду. Ана тилге, элибизге, адатлагъа, Дагъыстанны тавларына багъышлангъан шиъруланы гёнгюнден охуду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
