Школада ёлугъув
Алдагъы гюнлерде Уллубийавул орта школада эсгерилген школаны 10-11-нчи класланы охувчуларыны ва муаллимлерини ДР-ни Муфтиятыны Къарабудагъгент райондагъы вакиллери Калимулла Шигьмуратов ва Садрутдин Хасбулатов булан ёлугъуву оьтгерилди.
Ёлугъувну аввалында Уллубийавул орта школаны директору Муъминат Умаева чакъырылып гелген гьюрметли къонакълагъа, педагогика коллективни ва охувчуланы гьакъында маълуматлар бере туруп, школаны бугюнгю яшаву гьакъда баянлыкълар берди.
ДР-ни Муфтиятыны Къарабудагъгент райондагъы вакиллери Калимулла Шигьмуратов ва Садрутдин Хасбулатов ёлугъувну барышында охувчуланы ва муаллимлени бугюнгю лап да аслу ва агьамиятлы соравларына жаваплар къайтардылар.
Ачыкълашдырып айтсакъ, олар билим беривню барышы гьакъда лакъыр юрютдюлер. Олай да, яшёрюмлени тарбиясы ва низамы гьакъда хабарлагъан сонг, яшланы оьзге соравларына да жаваплар къайтардылар.
Уллубийавул орта школаны физкультура дарсдан муаллими, 57 йыл загьмат стажы булангъы загьматны ветераны Гьюсейхан Мамаев чакъырылып гелген къонакълагъа, оьрдеги класлардагъы яшлар булан пайдалы ёлугъув оьтгергени саялы, муаллимлени ва охувчуланы атындан баракалласын билдирди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
