Штабны жыйыны болду
Артдагъы гюнлерде республикада, районда коронавирус инфекция аврув булан авруйгъанлар арагъа чыгъа геле. Янгы охув йыл башланма аз къалгъанда – бу къувунлу сигнал. Арбагюн, август айны 26-нда, районну башчысыны ишчи кабинетинде муниципалитетни территориясына янгы коронавирус инфекция аврувну гелтиривню, яйылывну алдын алмакъ муратда районну башчысы М.Амиралиевни ёлбашчылыгъыны тюбюнде оператив штабны жыйыны болду.
Жыйында оперштабны уьюрлери ортакъчылыкъ этдилер. Олар СОYID-19 аврувгъа байлавлу гьалны арагъа салып ойлашдылар ва янгы охув йылны алдында аврувну яйылывуну алдын алывну планын тиздилер.
Районну башчысы школаларда янгы охув йылгъа байлавлу оьтгерилеген шатлы чараланы Роспотребнадзор талап этеген кюйде оьтгерме таклиф этди. Демек, шатлы чарада (линейкада) янгыз 1-нчи класланы охувчулары ва оланы клас ёлбашчылары ортакъчылыкъ этме герек. Яшланы ата-аналарына чарада ортакъчылыкъ этме гери урула этилмей. Оьзге класланы охувчулары, педагогика коллективлер, школаланы техника къуллукъчулары охув дарсланы вакътисинде маска режимни сакълама герек.
Районну башчысы оьзюню сёйлевюн тамамлай туруп, бу бары да чаралар коронавирусну яйылывуну алдын алмакъ, ватандашланы бир-бири булан къатнавун гери урмакъ муратда этиле. Сакълыкъ – яхшы зат!
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.