Уьч тюслю байракъ
Август айны 22-нде бизин уьлкебизде Пачалыкъны байрагъыны гюнюню байрамы оьтгериле.
Россияны байрагъыны тарихи ва къысматы бек бай ва къужурлу. Лап биринчилей акъ-гёк-къызыл тюслю байракъ Алексей Михайлович Романов пачаны заманында къолланма башлангъан.
Эсгерилген байракъгъа пача I Пётр Алексеевич пачалыкъны даражасын берген.
1693-нчю йылдан берли пача I Пётр «Москва пачаны байрагъы» гьисапда уьч ренкли байракъны къоллама башлагъан.
1705-нчи йылны январ айыны 20-нда тасдыкъ этген Указына гёре, пача I Пётр Москва, Эдил (Волга)
ва Двина оьзенлерде юзеген сатыв-алыв гемеге акъ-гёк-къызыл байракъны къоллама буюргъан.
Амма уьч тюслю байракъ пачалыкъ милли байракъ гьисапда 1870-нчи йылларда къолланмагъа башлангъан.
Шоллукъда, Россия империяны пачасы III Александр 1883-нчю йылны 28-нчи апрель айында къол салгъан Указына гёре, акъ-гёк-къызыл байракъ Россияны пачалыкъ байрагъы деп белгиленген. Тек уьч тюслю байракъ 2 Николай пачаны заманында законлу кюйде пачалыкъны байрагъы бола.
1918- нчи йылны апрель айында Яков Свердловну сиптечине гёре уьч тюслю байракъны инкъылапны къызыл байрагъына алышдыра.
Совет девюрде РСФСР-ни байрагъыны тюсю къызыл эди.
1991-нчи йылны август айыны 19-21-нчи гюнлеринде СССР-де ГКЧП къурулду, уллу питнелер болду. Шо къалмагъалларда Москваны орамларына чыкъгъанлар акъ-гёк-къызыл ренкли байракъны алып чыкъдылар. 22-нчи августда РСФСР-ни Оьр Советини Президиуму «РСФСР-ни милли байрагъы гьакъда» деген къарар къабул этген ва министрни орунбасары В.Н.Ярошенкону кабинетиндеги акъ-гёк-къызыл тюслю байракъ Акъ уьйню къаласында гётерилген. Олай да, РСФСР-ни министерлерини Советини председатели Иван Силаев ерли пачалыкъ къурумлагъа янгы байракъны гьакъында телеграммалар йиберген.
Болса да, Россияны байрагъыны къысматы 1994-нчю йылны август айыны 22-нде мекенли чечилген.
Демек, шо гюн РФ-ни биринчи Президенти Борис Ельцин 1712 номерли Указгъа къол салгъан, акъ-гёк-къызыл ренкли байракъ пачалыкъны байрагъы деп билдирилген.
Сонг, РФ-ни Президенти Владимир Путин 2000-нчи йылны декабр айыны 20-нда гимн, герб ва байракъ гьакъдагъы федерал конституция законлагъа къол салгъан РФ-ни биринчи уьч тюслю байрагъы пачалыкъ байрамларда, спорт ярышларда уллу гьюрмет булан гётериле. Биз пачалыкъ байрагъыбызгъа абур этмеге герекбиз, ону ташлама, яллатма ярамай.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.