Гезикли генгеш
Гьаманда йимик, талатгюн район администрацияны аппаратыны гезикли генгеши оьтгерилди. Генгешни ишинде район администрацияны бёлюклерини ёлбашчылары ва районну ичиндеги юртланы башчылары оьзлени ортакъчылыгъын болдурдулар. Генгешни ачгъан ва юрютген районну башчысы Магьмут Амиралиев районну ичиндеги школаланы, яшлар бавларыны ва маданият къалаларыны террорчулукъгъа къаршылыкъ гьазирлевю гьакъда маълуматлар бермеге районну башчысыны орунбасары Магьамматгьанипа Зугьумовгъа сёз берди
Трибунагъа гётерилген М.Зугьумов оьзюню сёйлевюнде районну террорчулукъгъа къаршы иш гёреген хас комиссиясыны (АТК) иши гьакъда эсгерди.
Демек, пачалыкъны хас законларына ва буйрукъларына кюрчюленип, районну АТК-сы бир къадар иш этген. Социал къурулушланы террорчулукъгъа къаршылыкъ гьазирлевюн болдура туруп, 2020-нчы йылны ичинде 81 шолай къурулушгъа тергев болдурулгъан.
РФ-ни Гьукуматыны гьукмусун яшавгъа чыгъара туруп, районну ичиндеги 28 орта школаны, 28 яшлар бавуну, 9 ДЮСШ-ни, 1 ЦДОД-ну ва 1 медресени биналарына паспортлар алынгъан. Олай да, шолай ишлер ва чаралар 14 маданият ожакъгъа да этилген.
Тергевлер болдурулгъан социал къурулушлагъа террорчулукъгъа къаршылыкъ гьазирлевю гьакъда хас актлар язылгъан.
Олай да, районну башчысыны орунбасары М.Зугьумов оьзюню сёйлевюнде террорчулукъгъа къаршы иш гёреген хас къурумлар булан эсгерилген социал къурулушлар тыгъыс байлавлукъ тутмагъа тарыгъын аян этди.
Генгешни барышында районну башчысы М.Амиралиев гётерилген масъаланы гьар гюн тергевню тюбюнде сакъламакъны буюра туруп, транспорт налогну жыйылыву, школаланы пищеблокларыны янгыртылыву, орамланы ва ёлланы ремонт этиливю гьакъда баянлыкълар берди ва шо ишлени де оьз болжалларында тамамламагъа тапшурду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.