Шашки оюнчуланы гьаракаты яхшы
Октябр айны 5-нден 7-сине ерли Табасаран районну Хучни юртунда орус шашки оюнлардан Дагъыстанны чемпионаты оьтгерилген.
Эсгерилген ярышларда Дагъыстанны гьар тюрлю районларындан, шагьарларындан гелген 10 команда ортакъчылыгъын болдургъан ва ярышларда бир-бири булан эришип ойнагъанлар. Шо ярышларда бизин райондан барып ортакъчылыкъ этген, айтылгъан шашки ойнавчуларыбыз Гьажимурат Алиев ва Мустапа Магьамматов ярышланы юрюшюнде яхшы натижалар гёрсетип ойнагъанлар.
Ярышланы ахырында белгили болгъаны йимик, (личниклени) айры-айры оюнчуланы арасындан:
Исмайыл Исмайылов (Хучниден) – 1-нчи, Тимур Къурбанов (Дербентден) – 2-нчи, С.Юнусов (Хасавюртдан) – 3-нчю, Гьажимурат Алиев (Къарабудагъгентден) – 4-нчю, Мустапа Магьамматов (Къарабудагъгентден) 5-нчи ерлеге ес болгъанлар.
Командаланы арасындан: И. Исмайылов ва К.Къайырбеков (Табасаран район) – 1-нчи, Гьажимурат Алиев ва Мустапа Магьамматов (Къарабудагъгент район) – 2-нчи, Т.Къурбанов ва И.Гьасретов (Дербент) 3-нчю ерлени къазангъан.
Оюнну чалт, 5 минутлукъ (блиц) къайдасындан: С.Юнусов (Хасавюрт) – 1-нчи, Къ.Къайирбеков (Хучни) – 2-нчи, Гь.Алиев (Къарабудагъгент) – 3-нчю, М.Магьамматов (Къарабудагъгент) 4-нчю ерлени алгъанлар.
Оьтгерилген шо ярышларда алдынлы ерлени алма бажаргъан бары да шашки оюнчулар кубоклар, дипломлар ва багьалы савгъатлар булан савгъатлангъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
