Шахматдан финал ярышлар
Районну билим берив управлениесини алданокъ къурулгъан план-графигине гёре, 2018-2019-нчу охув йылда охувчуланы арасында оьтгерилеген спартакиадасына зачёт гьисапда октябр айны 22-синде Къарабудагъгентдеги «Бекенез» спорт идарасында районну охувчуларыны арасында шахмат оюндан финал ярышлары оьтгерилди. Шо ярышларда зоналарда 1-нчи , 2-нчи ерлени алгъан школаны шахматистлеринден къурулгъан командалар, финалгъа чыкъгъан айры-айры оюнчулар ортакъчылыкъ этдилер. Шо гюнгю финал ярышланы гьасиллерине гёре, охувчу уланъяшланы арасындан:
Къарабудагъгент 3 номерли орта школаны охувчусу Ж.Сунгуров –1-нчи, Аччы 1 номерли школаны охувчусу К.Къурбанов – 2-нчи, Къарабудагъгент 2 номерли школаны охувчусу Ж.Мигьратов 3 нчю ерлени къазандылар.
Охувчу къызъяшланы арасындан: Къурбуки 2 номерли школаны охувчусу А.Сулейманова –1-нчи, Къарабудагъгент 2 номерли школаны охувчусу А.Дайгумова – 2-нчи, Зеленоморск школаны охувчусу А.Магьамматова 3-нчю ерлени алдылар.
Айры-айры охувчу шахматистлени арасындан: (уланъяшлардан) Паравул 3 номерли школаны охувчусу С.Сефербеков – 1-нчи, (къызъяшлардан) Къарабудагъгент 5 номерли школаны охувчу къызы А.Гьюсейнова 1-нчи ерлеге ес болдулар.
Командаланы арасындан буса, Къарабудагъгент 2 номерли школаны командасы – 1-нчи (ёлбашчысы Д.Кулавов) Аччы 1 номерли школа – 2-нчи (ёлбашчысы М.Межитов), Зеленоморск школа буса (ёлбашчысы А.Багьмутов) 3-нчю ерни къазандылар.
Бары да алдынлы ерлеге ес болгъан командалар айры-айры шахматистлер, призёрлар билим берив управлениесини янындан дипломлар, грамоталар булан савгъатландылар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
