Ёлларда сакълыкъ тарыкъ
Ёлларда сакълыкъ тарыкъ
Белгили кюйде, школагъа билим алмагъа юрюйген охувчулар ёлдан юрюй. Олар ёлдан юрюйгенде ёл юрюшню низамларын ва талапларын билмеге тарыкъ йимик, жаваплы ёлбашчылар ва къурумлар ёлавчуланы (пешеход) аманлыгъын болдурмагъа борчлу.
Уллубийавулдагъы орта школа юртну ортасында ерлешгенге гёре, шо арада машинлени ари-бери кёп айланышы бола. Шо ерде аманлыкъны болдурмакъ муратда дёгерек де (кольцо) салынгъан. Болса да, ёл юрюшде низамны ёрукълу кюйде болдурмакъ учун ёл белгилер (знаки) салынмагъа гереклиги ачыкъ. Уллубийавул юртну башчысы Алихан Абдурагьмановну тилевюне гёре, Къарабудагъгент райондагъы ГИБДД-ни бёлюгюню ёлбашчысы Завур Имакъов ва «Карабудахкентское ДЭП №17» ОАО-ну ёлбашчысы Вагьапгьажи Алиев Уллубийавул орта школаны янындан оьтеген юртну ичиндеги аслу орамлагъа ёл белгилер салгъан.
Демек, эсгерилген ёл белгилени машин гьайдавчулар (водители) ва ёлавчулар билсе, юрютсе ва англаса, хыйлы хатабалагьланы алды алынажагъы, адамланы савлугъуна зарал болмажагъы мекенли.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
