Газ быргъыны бузгъан
Газ быргъыны бузгъан
9-нчу августда районну Дёргели юртуну ягъасында гючлю явунлардан сонг гелген ташгъын сувланы агъымы Дёргелиге гелеген 76 миллиметр диаметрли газ быргъыны 20 метр ерин бузгъан.
Шону себебинден 100 агьлюде яшайгъан дёргелилилер газсыз къалгъанлар.
Райондагъы газ-ремонт къуллугъуну ишчилери, ёлбашчысы Шаху Мурзаев, юрт администрацияны ёлбашчысы Гьамзат Мурзаев ва юрт Жыйыныны депутаты Магьамматшарип Хидириев ёлдашланы гьаракаты да булан шо быргъыны бузулгъан ерин янгы быргъы да салып онгаргъан. Шону онгарывда газ-ремонт къуллугъуну ишчилеринден къайры да кёп дёргелилилер, 6 техника (машин, трактор) булан ортакъчылыкъ этгенлер. Ремонт ишлени юрюшюне ДР-ни МЧС-ни къуллукъчулары да тергев этип тургъанлар. Алгъасавлукъда гёрюлген чаралагъа гёре, юрт агьлюлеге газ гелме башлагъан.
Дёргелини жамияты, администрацияны къуллукъчулары къаравулланмагъан авур гьалны ёрукълашдырмакъ учун яхшы кёмеклешген районну башчысы Магьмут Амиралиевге де оьзлени баракалласын билдире.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
