2-нчи ерге ес болгъан
2-нчи ерге ес болгъан
2017-нчи йылны май айыны 19-нда Къаягент районну Первомайск юртунда Бютюнроссия даражадагъы ярышланы республика зона даражасы оьтгерилген. Шо ярышларда 7-нчи класланы охувчулары спортивный многоборье, 4x100 м эстафета, 3 км кросс, 60 метрге чабыв спортну жураларындан бир-бири булан гюч сынагъан.
Эсгерилген ярышларда бизин районну вакиллери гьисапда Къарабудагъгент 5 номерли орта школаны 7-нчи класыны охувчулары – 4 уланъяш ва 4 къызъяш ортакъчылыкъ этген.
Шо класны клас ёлбашчысы Найида Агьматова ва физкультура дарсдан муаллими Магьамматгьанапи Гьамитов эсгерилген ярышларда ортакъчылыгъын болдургъан. Бизин районну охувчуларыны командасы гьюрметли 2-нчи ерге ес болмагъа бажаргъан. Олай да, умуми команданы уьюрлерине гьарисине дипломлар ва оьзге савгъатлар тапшурулгъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
