Районну юртларында

Ону булан шо гюн район администрацияны юрт хозяйство  управлениесини ёлбашчысы Ш.Мустапаев, топуракъ ва мюлк бёлюкню ёлбашчысыны орунбасарыны борчларын кютеген С.Халилов, «Къарабудагъгент район» муниципал районну «Инвестиция майданлары» деген компанияны директору Ж.Жамалутдинов ва юрт администрацияланы башчылары да болгъан.

Делегация  эсгерилген юрт­ланы инвест майданлагъа гёрсетилген топуракъларына барып, олагъа къарап, майданларыны  дазуларын мекенлешдирив, газлашдырыв ва токъташдырыв масъалаланы гьакъында сёйлегенлер.

Ш.Мустапаевни сёзлерине гёре, инвест майданлагъа гёрсетилген топуракъларда гьайван ва жан фермалар, теплицалар, заводлар, бавлар ва юзюмлюклер болдурмагъа гёз алгъа тутула.

Уллубийавулгъа гьайванчылыкъ комплекс ва теплица ачмакъ учун 30 гектар топуракъ бермеге гёрсетилген. Шо топуракълар Къарабудагъ­гент райондан чыкъгъан инвесторлагъа гьар тюрлю инвестпроектлер къурмакъ учун берилежек.

Инвест майданланы ­оьсювю районну инфраструктурасын яхшылашдырмагъа ва район бюджетге гелеген налогланы оьсдюрмеге болушлукъ этежек. Узакъ къалмай районну башчысы Аданакъ, Агъачавул, Дёргели, Къакъашура, Къарабудагъгент, Паравул юртланы топуракъларына бармагъа гёз алгъа тутгъан.

Гетген йыл Къарабудагъ­гент районну башчысы ­Магь­мут Амиралиев юртланы башчыларына инвест майданлагъа бош топуракъланы белгилемек ишлени тапшургъан эди.