Турнир оьтгерилген

Алдагъы гюн, май айны 4-нде, Къарабудагъгентдеги «Олимп» спорткомплексинде белгили воин-интернационалист Бургьанитдин Ягьияевни призине гёре, 2003-2006-нчы йылларда тувгъан яшёрюмлени арасында тутушуп ябушувдан халкъара турнири оьтгерилген.

Юрюлген шо гюнгю турнирде Къарабудагъгент, Бабаюрт, Сергокъала районланы, Каспийск, Къызлар, Къызылюрт, Хасавюрт, Нефтекумск, Ростов, Таргъу посёлокдан, Азербайжандан, Къазахстандан, Магьачкъаладан, Ингушетиядан гелип жыйылгъан кёп санавдагъы спортчу кочаплар оьзлени ябушувдагъы гьюнерлерин гёрсетген. Ярышланы ачылывунда ортакъчылыкъ этген Къарабудагъгент районну башчысы Магьмут Амиралиев, Олимпия оюнланы чемпиону Бахтияр Агьматов, Магьачкъала администрацияны алдынгъы жаваплы къуллукъчусу Багьан Магьамматов, Гьели юрт администрациясыны башчысы Магьамматгьажи Атаев ёлдашлар турнирни ортакъчыларына уьстюнлюклер ёрагъан ва Уьстюнлюкню байрамы булан да къутлагъан.

Турнирни гьасиллерине гёре, алдынлы ерлени къазангъан бары да кочаплагъа Магьмут Амиралиев ва Бахтияр Агьматов кубоклар, грамоталар, олай да акъча савгъатлар тапшургъанлар.

Ярышлар дослукъну ва къурдашлыкъны шартларында арив оьтгерилген.

Нравится

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.