Тазалыкъны гьайы этиле
Тазалыкъ – бары да гёзелликни башы ва аврувланы ахыры. Демек, айлана якъ таза буса, юрегинг ва гёнгюнг хош болагъаны йимик, гьар тюрлю инфекция ва зиянлы аврувланы да алды алына.
Озокъда, яшайгъан адамны насы ва чёбю болмайлы да болмай. Болса да, насны, чёпню ва башгъа тюрлю алагъожаны не ерге буса да ташламагъа ярамайгъаны ачыкъ буса да, адамлар ёл бойланы, оьзен ва юрт ягъаланы чёп тебелеге айландырып къоя.
Тазалыкъны ва гёзелликни болдурувгъа бизин районубузну бары да юртларында бир йимик агьамият бериле.Законсуз болгъан чёп ташлайгъан ерлер ва къуюлар бегетиле.
Муна, алдагъы гюнлерде Уллубийавул юртну ягъасындагъы чёп ташланагъан шолай къую тазаланды ва тайдырылды. Уллубийавулну гьакимбашы Алихан Абдурагьмановну баянлыкъларына гёре, 1000 кубометр нас-алагъожа Избербашдагъы хас чёп ташланагъан къуюгъа чыгъарылгъан. Олай да, шо майдан чёпден тазалангъан ва памидор оьсдюрмек учун теплицалагъа берилмеге гёз алгъа тутула.
Уллубийавулну гьакимбашыны орунбасары Магьамматшапи Гьасановну сёзлерине гёре, насны тайдырыв ва тазалыкъны болдурув ишлеге 1 уллу дёгерчикли К-700 маркалы, 1 шынжырлы тракторлар ва оьзге юк ташыйгъан машинлер къуршалгъан эди.
Олай да, Уллубийавул юртну ёлбашчылары эсгереген кюйде, къышлыкъ вакътиге онгарылмакъ муратда юртну бир нече орамына грейдер-трактор салынгъан, орамлар тегишленген. Шо тегиш этилген ва оьзге орамлагъа артдагъы 2-3 гюнню ичинде 10 Камаз машин чакъа тёгюлген.
– Юртубузну лап да баш ва уллу – Буйнакскийни, Къойчакъаевни, Ширавовну атындагъы ва Махачкалинская – орамларына чакъа тёгюлген ва тегишленген, — деди бизин булангъы лакъырда юртну башчысы А.Абдурагьманов
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
