Къарабудагъгент районубуздан, демек юртларындан кёп бажарывлу, макътавгъа лайыкълы, оьзлерден сонг да халкъны эсинде атлары къалгъан кёп адамлар чыкъгъан.
Бир-бир адамлар оьзлени ярыкъ яшаву, этген гёрмекли ишлери, элине тарыкълы девюрде болдургъан къошуму булан, оьзлер яшавдан гетип, арадан кёп йыллар гетсе де, унутулмай, халкъны эсинде къала. Оланы яшав ёлларын эсге алсанг, олар яшагъан девюрню гёзден гечирмеге бажарыла. Шолай адамлар, озокъда, кёп тюгюл. Тек бар, олар къачан да, къайсы йылларда да яшагъан, халкъны арасында болгъан ва яшав сюрген. Шолайлагъа инг насипли адамлар болгъан деп айтмагъа ярай. Неге тюгюл олар юртлуларыны бир заманда да эсинден таймажакъ.