Гьюрметлев грамоталар тапшурулду
Белгили кюйде, ноябр айны 10-нда Россия Федерацияны ич ишлер къурумларыны къуллукъчулары оьзлени касбу байрам гюнюн белгиледи. Къарабудагъгент районну башчысы Магьмут Амиралиев район администрацияны оьзге къуллукъчулары булан МВД-ни район бёлюгюне барды.
Демек, районну башчысы Россияны ОМВД-сини Къарабудагъгент район бёлюгюню къуллукъчуларыны составы булан ёлукъду.
Районну башчысы М.Амиралиев инг башлап районну халкъыны ва оьзюню атындан ОМВД-ни къуллукъчуларын башында ёлбашчысы Нариман Батырбиев де булан ва ветеранларын оланы касбу байрамы булан къутлады, олагъа къатты савлукъ, насип, аманлыкъ ва ишинде уьстюнлюклер ёрады.
Сонг Магьмут Амиралиев район ОМВД-ни 30 къуллукъчусуна, намуслу загьматы саялы, район администрацияны атындан гьюрметлев грамоталар тапшурду.
Олай да, байрам ёлугъувну барышында Россияны МВД-сини, ДР-ни МВД-сини, район ОМВД-ни ёлбашчысыны янындан бир нече къуллукъчугъа Баракалла кагъызлар ва гезикли атлар тапшурулду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
