Борч яхшы зат тюгюл

Шо къарарны яшавгъа чыгъара туруп, Къарабудагъгент районну администрациясында орта зона группаны ерине чыгъып жыйыны болду. Жыйында районну башчысы Магьмут Амиралиев, Дагъыстан республиканы промышленностну ва сатыв-алыв министри Низам Халилов, ДР-ни загьмат министрини биринчи орунбасары Р.Алиев, ФНС-ни 14 номерли район-ара налог инспекциясыны начальниги М.Тидулаев, Дагъыстанны савлукъ-сакълав министерлигини вакиллери, район администрацияны жаваплы къуллукъчулары, районну ичиндеги пачалыкъ ва муниципал къурумланы ёлбашчылары чакъырылгъан эди.

Чараны барышында орта зона группаны ёлбашчысы, ДР-ни промышленностуну ва сатыв министри Н.Халилов группаны уьюрлери булан районну территориясында уллу оьлчевлерде борчлары бар ёлдашланы, къурумланы аян этген ва борчланы тёлевню болжаллары белгиленген. Тувулунгъан масъаланы ёрукълу кюйде яшавгъа чыгъармакъ учун тийишли къуллукълагъа, айрокъда ФНС-ни ДР-ге къарайгъан 14 номерли район — ара инспекциясыны ёлбашчысына тергейген органлар булан бирликде иш гёрме ва борчланы тёлейген ёлларын, къайдаларын тапма таклиф берилген.

Чарада районда борчланы къадарын кемитивде, дагъы борчлар артмасын, болмасын, районну налог­ларыны гелим гесегин артдырмакъ муратда мекенли чаралар гёрюлегени эсгерилди.