Медаллар тапшурулду

Дюньягъа аты айылгъан белгили поэтибиз Расул Гьамзатов тувгъанлы 100 йыл битегенге байлавлу болуп, Дагъыстанны инче саниятыны пагьмулу ва белгили чалышывчулары Расул Гьамзатовну медалы булан савгъатлангъан.

Медалны лайыкълылагъа республикабызны башчысы Сергей Меликов тапшургъан. Расул Гьамзатовну медалы булан савгъатлангъанланы арасында, къумукъ тюзню, къумукъ миллетни тогъас тартма чери ёкъ, белгили, пагьмулу уланлары, Дагъыстан пачалыкъ къумукъ музыка-драмтеатрны чебер ёлбашчысы, Дагъыстанны халкъ артисти Айгум Айгумов, театрны ва кинону актеру, Россия Федерацияны инче саниятыны ат къазангъан чалышывчусу Ислам Къазиев ёлдашлар да бар. Биз къумукъ миллетибизни эревюллю уланларын гезикли пачалыкъ савгъатлары булан къутлайбыз. Къаркъараларына къатты савлукъ узакъ оьмюр, шат яшав, парахатлыкъ ёрайбыз.