Арагъа салынып ойлашылды
Март айны 23-нде “Къарабудагъгент район” муниципал районну администрациясында “Къарабудагъгент район” муниципал районну башчысыны орунбасары Магьамматгьанипа Зугьумов МЧС-ни республикадагъы вакиллери ва “Карабудахкентское лесничество” идараны ёлбашчысы М.Юсупов булан иш ёлугъув оьтгерген.
Ёлугъувда 2022-нчи йылны язбаш-яй айларында агъачлыкълагъа ва орманлыкълагъа ювукъда ерлешген юртланы от тюшювден сакъламакъ муратда оьтгерилмеге герекли комплекс чараланы арагъа салып ойлашгъан.
Ёлугъувну ортакъчылары гьариси оьзюню ишине гёре этмеге герекли масъалаланы арагъа чыгъаргъан.
Ёлугъувну гьасилин чыгъарып сёйлеген М.Зугьумов КЧС-ни ва ОПБ-ни генгешлеринде эсгерилген масъаланы гьакъында ойлашмагъа ва 2022-нчи йылны апрель айыны 1-и болгъунча масъалаланы чечмеге герегин ташдырды, шогъар гёре жаваплы адамлагъа мекенли тапшурувлар бермеге таклиф этди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
