Генгешде ортакъчылыкъ этди
Къарабудагъгент район администрацияны башчысы Магьмут Амиралиев Магьачкъалада ДР-ни Башчысы Сергей Меликовну ёлбашчылыгъы булан ДР-де газлашдырыв ва экономиканы оьсдюрюв масъаларын чечивге багъышлангъан ДР-ни энергетика ва яшавлукъ-коммунал хозяйство идараларыны вакиллери булан оьтгерилген регион штабны генгешинде ортакъчылыгъын болдургъан. Шо генгеш ВКСС къайдада оьтгерилди.
Эсгерилген штаб районну юртларын газлашдырмакъ ва халкъланы газ булан толу кюйде таъмин этмек учун РФ-ни Президенти Федерал Жыйынгъа этген Чакъырывну яшавгъа чыгъармакъ муратда къурулгъан.
Генгешни ортакъчылары гетген генгешни гьасиллерине гёре берилген тапшурувланы кютювю гьакъда, олай да, юртларда догазификация ишлени чалтлашдырыв масъалаларын арагъа салып ойлашгъан.
Халкъны газ булан толу кюйде таъмин этив ва юртларда газлашдырыв ишлени мекенли кюйде кютюв республиканы социал-экономика оьсювюнде аслу ерни тутагъанны, шо ишлерде СКФО-да РФ-ни Президентини толу ихтиярлы вакилини орунбасары Владимир Надыктовну ортакъчылыгъыны къошуму гёрмекли экенин регионну башчысы С.Меликов эсгерди.
«Гетген йылны июн айыны 11-нде догазификация гьакъда федерал закон къабул этилген эди. Шогъар гёре адамланы топуракъларына газ быргъылар тегин салынмагъа герек. Шо иш нечик кютюлежеги гьакъда аслу масъалалагъа да къаралып тура. Догазификация масъаланы чечив «Единая Россия» партияны борчларына гирген. Шо иш къатты тергевню тюбюнде юрюле. Эсгерилген программа – аслу социал проектлени бириси»,- деген Сергей Меликов.
Регионда газлашдырыв ишлер этилмеген 11 район бар.
Оьзюню сёйлевюнде ДР-ни Башчысы 2022-нчи йыл 2100 уьйге газ етишдирилмеге тарыкъ экенин, бугюнге догазификация ишлени болдурмакъ учун 1843 арза кагъызлар берилгенин айтгъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
