Меню
16+

Сетевое издание "Району яшаву"  «Будни района»

11.03.2022 09:40 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Сурсат къоркъунчлукъ ёкъ

Автор: Шихав Къайирбеков

Хоншу Украина пачалыкъны ёлбашчылары юрютеген миллетчи режим ЛНР-ни, ДНР-ни ва бизин пачалыкъны харлысызлыгъына къоркъунчлукъ тувдурагъанны гёз алгъа тутуп, Россияны Савутланы Гючлерини Оьр ёлбашчысы Владимир Путин Украина пачалыкъда славян халкъны къырма къаст салгъан террористлерден, миллетчилерден азат этмек учун февраль айны 24-нде В.Путинни Буйругъу булан РФ-ни Савутлу Гючлеринде контракт къайдада къуллукъ этеген солдатланы, сержантланы, офицерлени бир бёлюгю хас чара юрюте.

Шону натижасында бизин уьлкени сюймейген, бизге къаршы сиясат гьаракат юрютеген пачалыкълар, башында США,Англия ва оьзге пачалыкъланы гьакимбашлары Украинагъа гьалиги савутлар, харж булан кёмек этегенден къайры да Россиягъа къаршы бир де болмагъан кюйде гючлю экономика санкциялар билдиргенин барыбыз да гьис этебиз. Олар Россияны гюч булан йыкъма болмайгъанны билелер. Санкциялар булан уьлкебизде къытлыкъны, адамланы яшав даражасын осаллашдырып, халкъланы арасында разисизликлени, къаршылыкъланы, баш гётеривлени уятма къаст салгъанлар.

Тыш пачалыкъланы ёлбашчыларына Россияны кёп миллетли халкълары ана Ватанына къоркъунчлукъ гелгенде бирикгенин, уьлкени башын тутгъан ёлбашчы юрютеген ёлгъа инанагъанын унутма тюшмей.

США ва ону иерченлери бизин уьлкеге этген гючлю санкцияланы натижасында уьлкеде промышленный, сурсат малланы багьалары бир къадар артгъан. Шо яхшы тюгюл.

Районубузну ёлбашчылары районну территориясында адамлар гьар гюн къоллайгъан, стратегия агьамияты булангъы малланы запасларын оьзлени тергевюню тюбюнде сакълай.

Муна, март айны 9-нда районну юрт хозяйство управлениесини баш касбучулары: баш агроному М.Абдулвагьабов, баш инженери Ж.Акаев, юрт хозяйство продукталаны ишлетивге къарайгъан ведущий касбучу Гь.Гьажиев ёлдашлар Дёргели юрт администрацияны вакиллерини ортакъчылыкъ этивю булан юртда стратегия агьамияты булангъы хаммалны запасларын тергеп чыкъгъанлар.

Дёргелиде буссагьатгъы вакътиде 5800 уллу мююзлю гьайванлар, шоланы 950-си сыйырлар, 8700 увакъ мююзлю гьайванлар, шону ичинде 6400 ана маллар. Жанлар – 110 минг баш бар.

Будайны, арпаны, гьабижайны къадары да таман даражада, стратегия хаммалгъа бакъгъан якъда юртда къоркъунчлукъ ёкъ.

Оьрде атлары эсге­рилген касбучулрдан къурулгъан ишчи бёлюк районну оьзге муниципал къурулувларында да бар юрт хозяйство продукталаны запасларын токъташдырмакъ муратда чаралар оьтгережек.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3