«Яшны школагъа гьазирле»
Алдагъы гюнлерде «Бирикген Россия» деген политика партияны ерли бёлюгюню секретары, «Къарабудагъгент район» муниципал районну башчысы Магьмут Амиралиев янгы охув йылны алдында «Бирикген Россия» политика партияны «Яшны школагъа гьазирле» деген акцияны рамкасында 12 ата-анасыз къалгъан етим яшлагъа школа алатлары булангъы портфеллер савгъат этген.
Бизин партия гьар йыл янгы охув йылны алдында «Яшны школагъа гьазирле» деген рагьмулу акция оьтгеривю мердешге айлангъан. Шо чарада районну ичиндеги юртларда ата-анасыз къалгъан яшлагъа аз таъмин, яшав даражасы тёбен агьлюлени авлетлерине, ондан къайры да СВО-да жанын къурбан этген игитлерибизден къалгъан авлетлеге охув процессде тарыкълы китаплар ва оьзге алатлар булан таъмин этив рагьмулу акция оьтгерив давам этилип тура. «Яшлар, сизге къатты савлукъ, насип, кёп-кёп гюнешли гюнлер, чинкдеси янгы охув йылда билим, тарбия алывда, яшавда уьстюнлюклер ёрайман», – деди районну гьакимбашы яш къонакълагъа.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
