Меню
16+

Сетевое издание "Району яшаву"  «Будни района»

05.07.2024 09:52 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Кёмек къаравуллап баргъан

Автор: Шихав Къайирбеков

Олгюн районну башчысыны заманлыкъгъа борчларын кютеген Эльдар Давутов оьзюню иш кабинетинде СВО-ну ортакъчысы Шамиль Хайруллаевни ва ону анасын къабул этген.

Украинада юрюлеген хас дав чараны ортакъчысы булангъы ёлугъувда ачыкъ болгъаны йимик, Хайрулаевлени агьлюсюне кюрчюсюз оьзтерече газгъа борч салынгъан. Олар шо борчну гьисапдан тайдырма болушлукъ этме кёмек ахтарып гелгенлер.

“Район администрация гьар даим де хас дав чараны ортакъчыларына ва оланы агьлюлерине болагъан кёмегин этме, якълама гьазир. Булай айтгъанда, тарыкъ болгъанда материал кёмеклер этиле, топуракъ гесеклер гёрсетиле ва оьзге яшлавлукъ коммунал талаплары яшавгъа чыгъарыла, – деди районну башчысыны заманлыкъгъа борчларын кютеген Э.Давутов.

Шамиль Хайруллаев 1999-нчу йыл­ны биринчи июлюнда Аччи посёлокда тувгъан. Шонда орта школаны битдирген ва Моздокда МЧС-ни механика техникумуна охума тюшген. 2018-нчи йылда орта хас охув ожакъны уьстюнлю кюйде тамамлагън.

2019-2020-нчы йылда Россия Федерацияны Савутлу Гючлерини сыдраларында ватандаш борчун кютген.

2020-нчы йылдан тутуп, буссагьатгъы замангъа ерли дыгъар булан къуллукъ эте. Демек, 2020-нчы ­йылны апрель айындан тутуп” дыгъар къайдада 105-нчи мото­стрелковый дивизияда къуллукъ эте. Шамиль Хайруллаев СВО-ну актив ортакъчысы гьисаплана. Ол ДНР-ни ва ЛНР-ни кёбюсю шагьарларын ва юртланрын Зеленскийни фашист, миллетчи режиминден азат этивде ортакъчылыкъ этген. Мекенлешдирип айтгъанда, Бахмут, Попасное, Авдеевка, Маринька, Новомихайловка шагьарлар ва юртлар учун юрюлген къыргъын давларда, тюртюшювлерде ортакъчылыкъ этген.

2024-нчю йылны май айында душман булангъы тюртюшювлерде FPV-дрон чапгъын этген. Шо агьвалатда онг тобугъу яралангъан, башына кантузия алгъан.

Буссагьатгъы вакъти Шамиль Хайруллаев ярасын сав этмек учун больничныйда, ата юртуна къайтгъан. Агьлюсю булан гиччи авлетин тарбиялай.

Биз Ш.Хайруллаевге ва СВО-ну бары да ортакъчыларына хас дав чарада уьстюнлюк алып агьлюлерине эсен аман къайтма насип ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0