Меню
16+

Сетевое издание "Району яшаву"  «Будни района»

05.07.2024 09:49 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къутлайбыз

Къарабудагъгент юртну оьзден уланларыны бириси Умаросман Гьайбуллаевич Гьажиев бугюн оьзюню тувгъан гюнюн белгилей. У.Гь.Гьажиев 1959-нчу йылны июль айыны 5-нде Къарабудагъгент юртда тувгъан. Яшлайын хатабалагьдан атасын тас этген. Ол оьзюню билими, бажарывлулугъу булан яшавда оьз ерин тапгъан ва насибин къуйгъан.

У.Гьажиев ата юртунда орта школаны яхшы къыйматлагъа тамамлагъан. Школаны битген сонг ДГУ-ну филология бёлюгюне охума тюшген. Оьр охув ожакъны экинчи курсунда охуп турагъанда ону ва бирдагъы ёлдашланы республикагъа журналистлер гьазирлемек учун Ленинград шагьардагъы пачалыкъ университетни журналистика бёлюгюне охума гёчюрелер. Бу оьр охув ожакъны У.Гьажиев лап яхшы къыйматлагъа тамамлай ва Дагъыстангъа къайта.

1993-нчю йыл ол «Дагъыстан» деген китаплар чыгъарагъан уьйню ёлбашчысы болуп белгилене. Шо къурумну ол къургъан, аякъгъа тургъузгъан ва темиркъазыкъ бойдагъы шолай китап чыгъарагъан уьйлени инг гёрмеклиси болуп токътагъан.

Артдагъы 10 йылны ичинде бизин юртлу, районлу улан Умаросман Гьажиев 20 тюрлю халкъара выставкаларда ортакъчылыкъ этген, ол чыгъаргъан китаплар оьзюнден алда бир керен де ес болмагъан савгъатланы алгъан.

Умаросман Гьажиев оьзюню тувра ишинден къайры да, республиканы жамият политика яшавунда актив кюйде ортакъчылыкъ этип гелген. Ол тюрлю-тюрлю йылларда Магьачкъала шагьарны депутаты, шагьар Жыйынны председателини 1-нчи орунбасары, «Бирикген Россия» деген партияны исполкомуну ёлбашчысы, Россияны халкъларыны ассамблеясыны регион бёлюгюгню сопредседатели, Дагъыстанны жамият палатасыны председателини орунбасары ва уьч керен Дагъыстанны маълумат ва печат комитетини министерлигини ёлбашчысы болуп ишлеген.

Дагъыстан республиканы социал-экономика оьсювюне оьз къошумун этгени саялы, У.Гьажиевге ДР-ни «Ат къазангъан экономисти» деген абурлу ат берилген.

Къайратлы загьматы учун огъар гьали-гьалилерде «Дагъыстан Республиканы алдындагъы къуллукълары учун» деген орден булан савгъатлангъан.

Биз У.Гьажиевни тувгъан гюню булан къутлай туруп, къаркъарасына къатты савлукъ ёрап, чыгъарагъан китапларынг дагъыдан-дагъы оьр савгъатлагъа ес болсун деме сюебиз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0