Меню
16+

Сетевое издание "Району яшаву"  «Будни района»

05.07.2024 09:50 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Баш къачырмагъанлар

Автор: Шихав Къайирбеков

Июн айны 23-нде Магьачкъалада ва Дербент шагьарда болгъан къанлы теракт дагъыстанлыланы гьали де талчыкъдыра. Бары ­халкъ шо ­вагьши ишни налатлай. «Дагъыстанда гьаманда, къыйынлы, авур гюн гелгенде, азиз халкъын якълама леппей деп тургъан къоччакъ уланлар аз болмагъан.

“Шо къаттыгюн террористлер булангъы ябушувларда закончулукъну якълай, халкъланы парахатлыгъын къоруй туруп оьзлени азиз жанларын къурбан этген полицияны къуллукъчулары, гертилей де, – игитлер. Оланы къоччакълыгъы, игитлиги СВО-ну ортакъчыларыны игитлик­леринден кем тюгюл. Берген присягасына амин МВД-ни бир къуллукъчусу да террористлер булангъы къанлы ябушувда бюдюремеген, баш къачырмагъан”, – деди регионну башчысы Сергей Меликов.

ДР-ни башчысы Сергей Меликов игит-полицияны къоччакълыкъ­лары гьакъда айта туруп, Тюмен областдан Дагъыстангъа командировкагъа гелген ДПС-ни къуллукъчусу Виталий Мезенцев террористлер булангъы ябушувда жанын къурбан этгенин, хыйлыланы оьлюмден къутгъаргъанын бирдагъы керен эсгерди.

Дагъыстан террористлени вагьши ишлерин къачан да сезген. Бугюн де террористлер Дагъыстангъа шо къалмагъаллы, законсуз заманланы къайтарып гелтирме сюе. Тек, ихтияр якълав органланы къуллукъчулары, жанларын къурбан этген полицияны къуллукъчулары гёлемсиз терро­ристлени мурадына етме къоймады.

Республиканы башчысы Сергей Меликов билдиргени йимик, бары да жанларын къурбан этген, яралангъан полицияны къуллукъчулары, оланы агьлюлери СВО-ну ортакъчылары йимик якълав табажакъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0