Меню
16+

Сетевое издание "Району яшаву"  «Будни района»

09.06.2023 10:12 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Сув йимик сыйлы болгъур»

Автор: Шихав КЪАЙИРБЕКОВ

Июн айны 6-нда район администрацияны жыйынлар оьтгерилеген уллу залында администрацияны аппаратыны гезикли жумалыкъ­ жыйыны болду. Жыйында районну башчысыны орунбасарлары, управлениелерини, бёлюклерини ёлбашчылары, юртланы башчылары, райцентрда иш гёреген къурумланы ёлбашчылары ортакъчылыгъын болдурдулар.

Чараны районну башчысы Магь­мут Амиралиев ачды ва юрютдю. Ол шо гюн арагъа салынып къаралажакъ масъалагъа гёчгюнче, залдагъылар булан саламлашып битген сонг, юртланы башчыларына, районну оьзге жаваплы къуллукъчуларына бизин парахат яшавубузну якълап Украинаны миллетчи фашист режимине къаршы дазулангъан дав чарада дав юрютеген къоччакъ уланларыбызны агьлюлерин бир мюгьлетге де тергевню тюбюнден тюшюрме ярамайгъанын эсгерди. Ондан къайры да, юртланы башчыларына игитлерибизни агьлюлерине гьар гюнлюк тергевню болдурма тапшурду.

Шо гюнгю чарада ФГБУ «Управление «Дагмелиоводхозну» бизин райондагъы филиалыны коллективи 2023-нчю йылда районну юрт хозяйство продукталар болдурувчуларын тайышывсуз кюйде сугъарыв сув булан таъмин этмек учун этилген, этме гёз алгъа тутулгъан ишлер арагъа салынып ойлашылды.

Макъалабызны башына «Сув йимик сыйлы болгъур» деп баш салмакъ да себепсиз тюгюл. Сувсуз яшав ёкъ. Юрт хозяйство оьсюмлюк­лерден, чачывлардан мол гелимлер къайтарывда да сугъарыв сувну агьамияты гёрмекли. Бизин район – республиканы лап къургъакъ, сугъарыв сув етишмейген районланы бириси. Шолай болгъанда, бар сувланы аяп, асырап, сув къоллавчулагъа етишдирмекни чаралары гёрюлме ва шо масъала къурумну ёлбашчыларыны тергевюню тюбюнде тутма тарыкъ.

Шо гюнгю чарада районну юрт хозяйст­во продукталар болдурувчуларын сугъарыв сув булан таъмин этивде оьрде аты эсгерилген коллективи этген ишлер гьакъда къурумну баш мелиоратору Мурат Гьажиев гьисап берди. Ону сёйлевюнден ачыкъ болгъаны йимик, тав районланы топуракъларында гьисапгъа алгъанда 10911 гектар сугъарылагъан топуракълар бар. Оратор оьзюню сёйлевюнде сув къоллавчулар сугъарыв сув булан пайдаланмакъ учун къурум булан дыгъар этме тарыгъын ва алданокъ 70 процент гьагъын тёлеме герегин малим этди. Бу йыл 3390 гектардагъы чачывлагъа сув берме тарыкъ. Буссагьатгъы вакъти ерли сувлар булан 1588 гектар чачывлар сугъарылгъан. Районну территориясында сугъарылгъан чачывлар ерли сувлар булан сугъарылагъанын аянлашдырды.

М.Гьажиев оьзюню сёйлевюнде ФГБУ «Управление Дагмелиоводхозну» бизин райондагъы филиалыны коллективи районну сув къоллавчуларын сугъарыв сув булан таъмин этмек муратда гьавузланы, татавулланы, кёллени онгармакъ, къоруп сакъламакъ учун этилген ишлени уьстюнде токътап сёйледи ва оьзге этме гёз алгъа тутулгъан ишлени аян этди.

Жыйында районну башчысы М.Ами­ралиев УОС-ну коллективин юрт хозяйство продукталар болдурувчуларын сугъарыв сезонда сув булан тайышывсуз кюйде таъмин этмек учун бар имканлыкълардан асывлу кюйде пайдаланып ишлеме чакъырды.

Жыйында Къурбуки, Уллубийаул юртланы вакиллери оьзлеге сув гелмейгенин малим этдилер.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1