Районну башчысы къутлады
Июн айны 1-нде, демек Яшланы якълавуну халкъара гюнюнде, Къарабудагъгент районну башчысы Магьмут Амиралиев Къарабудагъгент район ЦРБ-ни баш врачы Расул Гьиравов ва оьзге медицина къуллукъчулар булан Къарабудагъгентдеги реабилитация центргъа барып, савлугъу осал яшланы байрам булан къутлагъан, олагъа савлукъ, насип ва парахат яшав ёрагъан.
Яшлар булангъы ёлугъувунда районну башчысы яшланы байрам булан къутлагъан сонг, гьакимият къурумланы янындан, олай да социал къурумлардан яшлагъа бары да тарыкълы къуллукълар этилежегине, оланы савлугъуна не кёмек тарыкъ буса да болдурулажагъына инандыргъан. Авруйгъан яшланы гьайында турмакъ – докторланы ва социал къуллукъчуланы инг аслу борчу экени гьакъда айтгъан. Олай да, М.Амиралиев бирдагъы керен яшлагъа ва оланы ата-аналарына савлукъ, чыдамлыкъ, насип ва кёп яхшылыкълар ёрагъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
