От тюшювлерден къорума тарыкъ
ìЯй толу ихтиярларына гире геле. Гьаваны иссилиги гюн сайын арта. Айлана якъдагъы отлар, тав бетлер къаврама башлагъан. Бу йылны тюшюмю учун чачылгъан къылчыкълы гюзлюк ашлыкълар да саргъайып геле. Яй айда жамият гьайванлагъа массовый кюйде къатты емлер топланагъан заман.
Шолай болгъанда ашлыкъ байлыкъларыбызны, ем топланагъан авлакъларыбызны, топлангъан къатты емлерибизни от тюшювлерден къоруп сакъламакъны чаралары гёрюлме тюше.
Гетген жума районну юрт хозяйство управлениесини баш инженери Жамалитдин Акаев ва райондагъы оьз башына юрюйген юрт хозяйство техникагъа къарайгъан Пачалыкъ инспекциясыны ёлбашчысы Магьаммат Арсланханов ёлдашлар районну тавтюп зонасында ерлешген муниципал къурулувларда, ташдырып айтгъанда, Гьели, Къакъашура, Дёргели юртларында болгъанлар ва шо юртларда 2023-нчю йылда жамият гьайванлагъа къатты емлер топлавда, къылчыкълы ашлыкъланы тюшюмюн къайтарагъан вакътиде от тюшювлени къоркъунчсузлугъун болдурув чараланы айлансында лакъыр юрюлген, гёрсетивлер берилген. Ондан къайры да, юртланы башчылары, активи булан сезонлукъ авлакъ ишлени вакътисинде техника къоркъунчсузлугъун болдурмакъ ва тюз юрютмек учун районну УСХ-сы бу йылны май айыны 24-нде къабул этген буйругъун арагъа салып ойлашагъанлар, оьзге англатыв ишлер оьтгергенлер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.