Игитлерибизни агьлюлери унутулмай
Дагъыстан республиканы башчысы Сергей Меликовну тапшурувуна гёре ДР-ни информация ва маълумат къуралланы Агенствосуну ёлбашчысы Абдуразакъ Жамалутдинов бизин районда болгъан ва Украинада уьлкени Савутлу Гючлери юрютеген дазулангъан хас дав чарада жанларын къурбан этген игитлерибизни агьлюлерине баргъан ва оланы авлетлерин Яшланы якълавуну халкъара гюню булан къутлагъан.
Магьамматмухтар Миятлиевни къавум-къардашы булангъы ёлугъувунда Дагъыстан информну башчысы бирдагъы керен бу къайгъылы заманларда оьзлер янгыз тюгюл экенин билдирген ва ДР-ни башчысыны атындан олагъа материал кёмегин этген, демек игитибизден къалгъан къыз Написханымгъа савгъат тапшургъан.
Сонг Абдуразакъ Жамалутдинов Ватанны алдындагъы сыйлы ватандаш борчун игит кюйде кютген, яш наслуну гележек ярыкъ яшаву учун дазулангъан дав чарада жанын къурбан этген Исмаил Гьусейновланы агьлюсюнде болгъан, ондан къалгъан авлетлени де Яшланы якълавуну халкъара гюню булан къутлагъан.
Шо гюн Агенствону ёлбашчысы Манасгент юртда да болгъан ва буссагьатгъы вакътиде бизин уьлкени харлысызлыгъы, онда яшайгъанланы эркинлиги учун дав этеген воинлерибизни агьлюлерини уьйлерине баргъан Пахрутдин Абдулманаповну, Акъай Акъаевни, Умалат Ибрагьимовну ва Магьамматрасул Гараевни авлетлери оьр къонакъ гелтирген савгъатлардан бек сююнгюнлер, оланы аналары буса республиканы ёлбашчылары оьзлени якълайыгъанына ва унутмайгъанына разилигин билдиргенлер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
