«Анжи-Арена» стадионда байрам чара
Июн айны 1-нде, демек Яшланы якълавуну халкъара гюнюнде, Каспийск шагьардагъы «Анжи-Арена» стадионну майданчасында яшлар учун уллу шатлыкълар оьтгерилди. Байрам шатлыкъда республикабызны бары да районларындан гелген яшлар ортакъчылыкъ этди.
Байрам гюн яшлар арив ял алып, ойнап болсун учун олагъа футбол, баскетбол, канат тартыв, столда ойнайгъан теннис ва армрестлинг секциялардан майданчалар, халкъ касбулардан мастер-класлар, сапун гёбюкден шоу, яш футболистлер учун мастер-класлар, дагъы да кёп тюрлю ва къужурлу оюнлар оьтгерилди. Шолардан къайры да гиччипавлар учун аттракционлар, батут центр ва «Динопарк» ишлей эди.
Сонг да, «Анжи-Арена» стадионну базасында ДР-ни туризмге къарайгъан министерлигини сиптечилиги булан чебер ва халкъ касбуланы выставкасыны майданчасы оьтгерилди.
Выставкада Унцукуль, Къубачи, Балхар, Гоцатль районланы вакиллери ортакъчылыкъ этди.
Байрам чарада ортакъчылыкъ этеген яшлар учун «Анжи-Арена» стадионгъа экскурсия оьтгерилди.
Шо гюн кёп яшлы ва етишип болмайгъан, олай да СВО-ну ортакъчыларыны агьлюлерини яшлары тюрлю аттракционлагъа тегин гирмеге бола эди, демек олагъа гьап-гьавайын бары да ерлерде ойнама ва ортакъчылыкъ этме имканлыкълар болдурулгъан эди.
Олай да,байрам чарада СВО-ну ортакъчыларыны яшларына савгъатлар тапшурулду.
Яшлар учун оьтгерилген байрам чарада ДР-ни Башчысы Сергей Меликов, ДР-ни министерликлерини вакиллери, белгили спортсменлер, жамият чалышывчулар, депутатлар ортакъчылыкъ этди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
