От тюшювлерден сакъ болма тарыкъ
Чакъгъа исси тюшген сайын от тюшювлени къоркъунчлугъу бир нече керенге арта. Шогъар байлавлу болуп, март айны 21-нде болгъан райадминистрацияны гезикли жумалыкъ жыйыны районну территориясындагъы объектлени, орманлыкъланы, сабанлыкъланы, табии биченликлени от тюшювлерден къоруп сакълавгъа багъышлагъан эди.
Чараны районну башчысы Магьмут Амиралиев ачды ва юрютдю. Чарада районну башчысыны орунбасарлары, управлениелерини, бёлюклерини ёлбашчылары, юртланы башчылары, райцентрда иш гёреген къурумланы ёлбашчылары ортакъчылыгъын болдурдулар.
Язбаш – яй айларда районну территориясында бар объектлени, айлана якъны от тюшювлерден къоруп сакълавгъа байлавлу болуп, Каспийск шагьаргъа ва Къарабудагъгент районгъа къарайгъан 5 номерли бёлюкню старший дознаватели Шамил Исмаилов чыгъып сёйледи.
Ону сёйлевюнден ачыкъ болгъаны йимик, 2023-нчю йылны оьтген вакътисини ичинде районну территориясында 30 от тюшювлер болгъан. Гетген йылны шу вакътиси буса 25 болгъан. Демек, бу йылны шу вакътисине от тюшювлени санаву 20 процентге артгъан.
Чарада сёзюн узата туруп Ш.Исмаилов ва язбаш-яй айларда от тюшювлер болмасын учун тергев профилактика чаралар оьтгерме гёз алгъа тутгъанын малим этди. Ш.Исмаилов март-апрель айларда ерлерде гьакимликни къурумларыны от тюшювлер болма къоркъунчлукъ бар юртларда от тюшювлени алдын алыв чараланы айрокъда, орманлыкъланы ювугъунда, яшлар ял алагъан ерлеге, бавчулукъ, овошчулукъ жамиятларда от тюшювлени алдын алывну талапларына къатты тергев берилежегин малим этди.
Чарада бу масъалалагъа гёре «Къарабудагъгент лесничествону» ГКУ ДР-ни ёлбашчысы Магьамматгьабиб Юсупов да чыгъып сёйледи. Ону сёйлевюнден ачыкъ болгъаны йимик, районну орманлыкъ хозяйствосуну коллективи орманлыкъланы язбаш-яй айларда от тюшювлерден къоруп сакъламакъ учун этилген ишлени, гёрюлген чараланы аянлашдырып сёйледи. Айрокъда, орманлыкъ хозяйствону ёлбашчысы орманлыкъланы ювугъунда ерлешген юртланы башчылары булан бирликде от сёндюреген гёнгюллю дружиналар къуруп иш юрютегенин малим этди. Чарада сёзюн тамамлай туруп, районну орманлыкъ хозяйствосуну ёлбашчысы Магьамматгьабиб Юсупов уьлкеде РФ-ни Гьукуматыны къарары булан Уллу Ватан давда къурбан болгъан 27 миллион адамыбызны эсделигине «Эсделикни баву» деген бютюнуьлке гьаракат узатылагъанын малим этди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.