Меню
16+

Сетевое издание "Району яшаву"  «Будни района»

24.03.2023 09:51 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьасиллери чыгъарылгъан

Автор: Насрулла Байболатов

Бизин районну охув ожакъларында охувчулагъа терен ва сан янлы билим берегенден къайры да, оланы гьар тюрлю саниятлар булан иштагьландырывгъа байлавлу иш де муратгъа къыйышывлу юрюле. Шону булан бирге айрыча пагьмулу яшланы арагъа чыгъармакъ учун да таман чакъы тергевбериле. Олар янгыз бизин районда тюгюл, республиканы, уьлкени оьлчевюнде оьтгерилеген яратывчулукъ къаравларда алдынлы ерлеге ес болуагъаны да шону герти кюйде исбатлай.

Табиатны къоруп сакълавгъа байлавлу этилген суратларыны конкурсуну республика тиретини гьасиллери чыгъарылгъанда да тап шолай болгъан. Эсгерилген конкурсну ерли тиртин оьт-геривге оьзюне борч этилип салынгъан Къарабудагъгент районну билим берив управлениесини баш касбучусу Руманият Исрапилова бизге шо гьакъда билдире.

Ону сёзлерине гёре, бизин районну кёбюсю охув ожакъларында билим алагъан яшлар шо конкурсда кёп сююп ортакъчылыкъ этип, сурат этивде оьзлени пагьмусун малим этген. Шону булан бирге, табиатны къоруп сакълавгъа, олай да айлана якъдагъы гьаллар адамны савлугъуна туврадан тувра таъсир этегенин ташдыргъан. Ачыкъ­лашдырып айтгъанда, шо конкурсгъа гёрсетилген суратларына яхшы къыймат берилип, мекенли оьр­люклеге де етишген.

Шо гьакъда айтгъанда, конкурсну барышында Къарабудагъгентдеги гимназияны охувчусу Фатима Шагьманаева (муаллими – Салаватова Ж. А.), Паравулдагъы эки номерли орта школасыны охувчусу Жамиля Магьамматова (муалими – Айгумова Б. Ж), олай да Къарабудагъгентдеги ­бир номерли орта школада билим алагъан Марьям Гьажинасурова (муаллими – Къапланова У. А.) биринчи ерни къазангъан.

Къурбуки юртдагъы орта школаларда билим алагъан Магьаммат

Мусаев ва Алпият Сулейманова (муаллимлери – Омарова Л, Гьанипаева У.) олай да Манасгентдеги орта школаны охувчусу Азиза Гьюсейнова экинчи ерни алгъан.

Къарабудагъгентдеги гимназияны охувчусу Алжанат Исрапилова (муаллими – Шагьманаева У. Н), ва Къарабудагъгентдеги эки номерли орта школаны охувчусу Жалив Сайитов (муаллими – Къыявова Д. Л.) уьчюнчю ерге лайыкълы болгъан.

Оьтгерилген конкурсну гьасиллерине гёре алдынлы ерлеге ес болгъан охувчуланы ва оланы муаллимлерин гьакъ юрекден къутлайбыз. Олагъа билим алывда йимик яратывчулукъ пагьмусун артдырып, камилешдиривню ёлунда оьрлюклер ёрайбыз. Муалимлеге де кёп сююп танг­лагъан оьзлени касбусунда яллыкъ табып, охувчуланы уьстюнлюклегеринден сююне яшамагъа насип болсун деп айтмагъа да сюебиз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1