Масъалалагъа къарала
Гьаманда йимик, гьар итнигюн ДР-ни Башчысы Сергей Меликовну ёлбашчылыгъы булан республикабызны социал-экономика оьсювюне къарайгъан хас оператив штабны генгеши оьтгериле. Муна, шолай генгеш март айны 13-нде видеоконференция къайдада оьтгерилди. Шо генгешни барышында районну башчысыны заманлыкъгъа борчларын кютеген Жалалутдин Жамалутдинов да оьзюню ортакъчылыгъын болдурду.
Республикабызны ёлбашчысы Сергей Меликов шо гюн оьтгерилген генгешде бугюн-буссагьат лап да агьамиятлы ва тарыкълы масъалаланы уьстюнде ойлашмагъа ва пикру алышдырыв этмеге таклиф этди.
ДР-ни къурулуш ва яшавлукъ-коммунал хозяйство министри Артур Сулейманов республикабызда бу йылны боюнда социал къурулушланы къурулуву гьакъда маълуматлар берди. Олай да, ол етим ва ата-анасыз къалгъан яшланы яшавлукъ уьйлер булан таъмин этивю гьакъда да тындырыкълы кюйде баянлыкълар берди.
ДР-ни Башчысы Сергей Меликов оьрде эсгерилген масъалагъа жаваплы адам шону чечиливюн оьзюню тергевюню тюбюнде къатты кюйде сакъламакъны буюрду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
