Яшын къутлады
Белгили кюйде, 1-нчи мартда Къарабудагъгент 5 номерли орта школагъа хас дав чарада жанын къурбан этген Исмайыл Гьюсейновну аты къоюлду ва эсделик такътасы ачылды. Шо гюн шо игит уланыбызны яшы тувгъан деген шатлы хабар адамланы юреклерин бираз буса да хошлу этди.
Шоллукъда, районну гьакимбашы Магьмут Амиралиев оьзюню орунбасары Жалалутдин Жамалутдинов булан бирче район больницагъа бардылар, яш ва ону анасы Карема булан лакъыр этдилер.
Яшны анасыны сёзлерине гёре, Исмайыл хас дав чарада ортакъчылыкъ этегенде, оьзюню къызы болажагъын билген ва огъар Асиля деп ат къоймагъа сюегенин айтгъан болгъан, тек къысмат буюруп, атасына оьзюню сабий яшын гёрмеге буюрмагъан.
«Озокъда, бу яшавну кёп тюрлю толкъунлары бар. Адам олардан оьтмесе бажарылмай. Къайгъылы агьвалат адамны инжитеген йимик, шатлыкъ буса ону сююндюре ва яшавун узатмагъа кёмек эте.
Бизин Ватаныбызны ва оьсюп гелеген наслубузну ярыкъ талайы ва насиби учун жан берген асгер къуллукъчуланы уьлгюлю ишлерин эсибизде сакълажакъбыз.
Сагъа ва сени яшларынга къатты савлукъ, насип, парахат яшав ва оьрлюклер ёрайман. Районну администрациясы сизин талапларыгъызны яшавгъа чыгъармакъны гьайында туражагъына инандырмагъа сюемен», – деп айтгъан сонг, М. Амиралиев К. Гьюсейновагъа жанлы гюллер тапшурду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
