Сыйлы Къуръан
Художник-каллиграф, паравуллу Сулеймен Аширлаев 5 айны узагъында бусурманланы сыйлы китабы Къуръанны оьзюню къолу булан язгъан. Шо шатлы агьвалат артдагъы гюнлени ичинде савлай элибизге ва бусурманланы арасында тез яйылды.
Шо къолъязыв Къуръанны халкъгъа малим этмек учун ноябр айны 14-нде Магьачкъаладагъы Дослукъну уьюнде уллу мажлис оьтгерилди. Шо шатлыкъда Дагъыстанны муфтиси, шайых Агьматгьажи Абдуллаев, ДР-ни милли сиясат ва дин аралыкълагъа къарайгъан министри Энрик Муслимов, Къарабудагъгент районну башчысы Магьмут Амиралиев, жамият бирлешивлени ёлбашчылары, ДР-ни Халкъ Жыйыныны депутатлары, бизин районну вакиллери, коллежлени студентлери оьзлени ортакъчылыгъын болдурдулар.
Шо шатлыкъны барышында сёйлеген сёйлевлеринде Дагъыстанны муфтиси, шайых Агьматгьажи Абдуллаев, ДР-ни милли сиясат ва дин аралыкълагъа къарайгъан министри Энрик Муслимов, Къарабудагъгент районну башчысы Магьмут Амиралиев, жамият бирлешивлени ёлбашчылары, республиканы парламентини депутатлраы Сулеймен Аширлаевни этген ишине оьр багьа бере туруп, ол Есибиз Аллагьны каламына ва пайхаммарыбыз Мугьаммат алайгьиссаламгъа этилеген абурну дагъыдан дагъы артдырды деп эсгердилер.
Чараны барышында районну башчысы Магьмут Амиралиев де къутлав сёз булан сёйледи. Ол да оьзюню сёзюнде каллиграф Сулеймен Аширлаевни аты сыйлы Къуръанны къолу булан язгъан савлай дюньягъа белгили адамланы сиягьына гиргенлигин айтды.
Мажлисни барышында Сулеймен Аширлаев муфти Агьматгьажи Абдуллаевге, ДР-ни пачалыкъ секретары Магьамматсолтан Магьамматовгъа оьзюню къолъязывларын савгъат этди. Олай да, мадрасаны къызлары ва уллулары сыйлы Къуръандан аятлар ва назмулар охудулар.
Чараны ахырында каллиграф конкурсну гьасиллери малим этилди ва кёп санавда эсделик суратлар чыгъарылды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
