Баракалла кагъыз

Ёлугъувда районну башчысыны орунбасары Элдар Давутов, район администрацияны аппаратыны ёлбашчысы Жамалутдин Имакъов, «Гьели юрт» администрацияны башчысыны борчларын кютювчю Абдулла Алибеков ва башгъа къуллукъчулары ортакъчылыкъ этди. Ёлугъувда районну башчысы М.Амиралиев, оьзюню янына чакъырылып гелген Абубакар ва Месев Сахаватовланы уланы, хас дав чараны ортакъчысы, старший сержант, Муслим Сахаватов Донецкде къолунда автомат да булан неонацистлерден ватандашланы, яшланы ва къатынгишилени сакълайгъаны саялы, полкну командиринден оьзюню атына Баракалла кагъыз гелгенни айтды.

«Гьюрметли Абубакар Измутдинович ва Месёв Вагьитовна! Районну бары да халкъыны ва оьзюмню атымдан Баракалла кагъыз йиберген полковник А.Самсоновну сёзлерине къошуламан. Ол сизин бир уланыгъызны гьакъында бек лайыкълы сёзлер язгъан.

Бугюнлерде юрюлеген хас дав чарада сизин уьч уланыгъыз ортакъчылыкъ эте, олар къоччакъ кюйде янгы россия топуракъланы азат эте, неофашизмге къаршы ябуша.

Район ва юрт администрациялар бары да социал ва башгъа масъалаланы чечивде сизин агьлюге кёмегин болдуражакъ ва якълажакъ.

Абубакар Измутдинович ва Месев Вагьитовна, уланларыгъызны герти патриотлар этип тарбиялагъаныгъыз саялы, сизге бирдагъы керен де баракалла билдиремен»,-деди районну башчысы Магьмут Амиралиев.

Районну башчысыны орунбасары Э.Давутов, район администрацияны аппаратыны ёлбашчысы Ж.Имакъов ва «Гьели юрт» администрацияны башчысыны борчларын кютювчю А.Алибеков да Муслим Сахаватовну ата-анасына, тарбиялы уланлары саялы, баракалла билдирип сёйледи.