«Агьамиятлы лакъыр»
Гьар итнигюн Россияны школаларында, дарслар башланма 30 минут къалгъанда, «Агьамиятлы лакъыр» деген охувлар оьтгериле. Шоларда сёйлевчю алдын ерли айырылып гьазирленген темагъа гёре лекция охуй. Шо охувланы мурады – охувчуланы ватанны сюйме уьйретмек, оланы патриотлукъ гьислерин оьсдюрмек.
Алдагъы гюн Къарабудагъгент Гимназияда «Къарабудагъгент район» муниципал районну депутатларыны жыйыныны председатели Адил Салаватов «Россия: взгляд в будущее» деген темагъа лекция охуду, яшлагъа уьлкебизни технология суверенитети гьакъда хабарлады.
А.Салаватов оьзюню сейлевюнде Россия технология якъдан харлысыз уьлке болмакъны гьайын этегени, башгъа пачалыкълардан маълумат, технология, медицина, химия, авиация, энергетика промышленностларда, геме ишлев, космонавтика ва башгъа тармакъларда артда къалмасны уьстюнде кёп иш этегени гьакъда хабарлады.
Охувланы барышында яшлагъа видеочакъырывлар, слайдлар, «Янгы касбуланы атласы» гёрсетилди. Оланы арасында дронланы тюзлевчю, метеоэнергетик, денгиз роботланы дизайнери ва башгъалары болажакъ.
«Бугюнлерде биз технология суверенитет уьлкебизни харлысызлыгъын англатагъанны билебиз. Тек бизин уьлкебиз савлай дюньядан айры, бегилген деп айтмайбыз. Биз айтма сюеген зат – гючлю ва токъташгъан экономикасы бар уьлкебиз оьзюню политикасын якълап, къоруп бола.
Россиягъа къаршы билдирилген кёп санавдагъы санкциялагъа да къарамайлы, уьлкебизни экономикасы оьсювню ёлунда»,- дей оьзюню сейлевюнде район депутатланы жыйыныны председатели Адил Салаватов.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
