Башына тюшсе, башмакъчы болар дегенлей

Украинаны гьалиги гьакимбашлары фашизмни, миллетчиликни идеяларын оьрге гётерип туврадан-тувра Россиягъа къаршы миллетчи политика юрютегени кёп йыллар бола. Украинаны халкъы бизге душман тюгюл буса да, Украинаны башчылары милитарист США-ны, Англияны, НАТО-ну башчыларыны буйрукъларын кюте туруп муна шу даражагъа етишдик.

Россияны ёлбашчылары гьалны парахат ёлда чечме айланса да, буварывлар этип турса да, сёйлешивлер, ёлугъувлар натижа бермегенине ким де шагьат.

Украина пачалыкъда миллетчиликни, фашизмни алдын алмакъ, ДНР-ни, ЛНР-ни, Херсон, Запорож областланы халкъларыны эркинлигин якълай туруп РФ-ни Савутлу Гючлерини оьр командующийи В.Путинни буйругъу булан бизин асгерлерибиз дазулнгъан дав чара юрютегени бир йылгъа ювукъ бола тура.

Хас маълумат къуралларда эсгерилип турагъаны йимик, бизин солдатлар, командирлер оьзлени алдына салынгъан масъалаланы аста темплер булан болса да уьстюнлю кюйде яшавгъа чыгъара, алгъа багъып юрюйлер, дав агьвалатларда къоччакълыкъ, бажарывлулукъ гёрсетип ябушалар.

ВСУ-ну асгерлерине къаршы юрюлеген дазулангъан дав чарада уьлкени оьзге регионларыны вакиллери булан янаша бизин райондан чакъырылып баргъанлар да бир де бюдюремей, тартынмай командование алгъа салгъан тапшурувланы уьстюн­лю кюйде кютюп игит кюйде душмангъа къаршы ябушув юрютелер.

Бизин райондан мобилизация булан чакъырылып Украинада фашизмге, миллетчиликге къаршы дав юрютегенлени арасында къарабуд­агъгентли Жамал Ниъматуллаев де бар. Ол гетген йылны сентяб айында мобилизация этилген. Жамал Ниъматуллаев Къарабудагъгентдеги 3 номерли орта школаны битдирген. Уьйленген, 2 авлети де бар.

Жамал Ниъматуллаев бизге билдирген кюйде, фронтда сержентны званиесинде ротагъа ёлбашчы­лыкъ эте. Ол башчылыкъ этеген рота ­оьзлени алдына салынгъан тапшурувланы уьлгюлю кюйде кютюп, душманны артгъа тартылма борчлу этген агьвалатлар аз болмагъан. Шолай урушларда Жамал Ниъматуллаев оьзю башчылыкъ этеген ротагъа уста кюйде ёлбашчылыкъ этип, ­оьзлени позицияларын сакълап, душмангъа къаршы гючлю атышывлар этип оьлгенлери оьлюп, савлары позицияларын къоюп къачгъан гезиклер де болмагъан.

Бизин солдатларыбыз авур шарт­ларда яшай ва дав юрюте буса да олар ругь якъдан къатты ва уьст гележегине теренден инаналар.

Неге тюгюл олар ана Ватаныны эркинлигин, парахатлыгъын, ватандашланы аманлыгъын якълай туруп душман булан бете-бет ябушалар, тюзлюкню яны

Биз де оьз езигинде бизин райондан барып Украинада фашизмге, миллетчиликге къаршы ябушагъан къоччакъ уланларыбызны янгы йылы булан къутлайбыз, тез-тез Уьстюнлюк алып ожакъларына эсен-аман къайтма насип болсун деме сюебиз.

Суратда: Жамал Ниъматуллаев.