«Баракалла сагъа, солдат!»
Къарабудагъгент районну Агъачавул, Гьели, Дёргели ва Манасгент юртларыны адатлангъан маданият центрларында Уллу Уьстюнлюкню гюнюне багъышлангъан «Баракалла сагъа, солдат!» деген сурат этив конкурс оьтгерилген. Чараны мурады: охувчуларда патриотлукъну ва эдепликни тарбияламакъ, Ватаныбызны тарихин ва ата-бабаларыбызны загьмат батырлыгъын англатмакъ, агьлю адатларыбызны беклешдирмек.
9-нчу май – уьлкебизни гьар адамы учун айрыча белгили гюн. Шо гюн Совет Армияны асгерлери топурагъыбызны фашист Германиядан къутгъарма болгъан, халкъгъа эркинликни, парахатлыкъны къайтаргъан. Озокъда, шо уьстюнлюк бизге рагьат гелмеген. Уллу Ватан дав адамланы ожакъларына къайгъы, дерт салгъан. Кёплер Ватанын якълай туруп оьлюп гетген. Тек халкъыбызны къоччакълыгъы гьалиги наслуну эсинде къалажагъына инанабыз.
Конкурсну ортакъчылары оьзлени чебер пагьмулулугъун, яратывчулукъ усталыгъын гёрсетме бажаргъан. Конкурсну гьасиллерине гёре инг де яхшы «суратчылар» грамоталар булан савгъатлангъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
