Шиъру охув конкурс
Шиъру охув конкурс – наслуланы бир-бирине байламакъ учун юрюлеген чараланы бириси. Гьалиги охувчулагъа оьтген дав йыллар кёп арек болуп токътай. Олай да, дав йылланы, къамав заманны тарихи гьакъда давну ортакъчыларындан эшитмеге гьалиги заманны яшлары нагагь болар. Демек, адабиятны, яратывчулукъну кёмеги булан яшлар оьзлени ватаныны тарихине ювукълашмагъа болагъаны белгили.
Апрель айны 29-нда Къарабудагъгент, Аданакъ ва Манасгент юртланы адатлангъан маданият Центрларында Уллу Ватан давну Уьстюнлюгюню 77 йыллыгъына багъышлангъан шиъру охув конкурс оьтгерилген. Оьтгерилген чарада 1-11 класланы охувчу яшлары ортакъчылыкъ этген.
Яшлар белгили язывчуланы, шаирлени асарларын чебер охугъан. Гьар охувчу оьзюню охувунда авторну сезивюн, ойларын англатма бажаргъан, тынглавчуланы тергевюн бакъдырма болгъан. Озокъда, шолай болма да герек: охулгъан шиърулар бизин совет халкъны къоччакълыгъын, игитлигин суратлай туруп, оланы яшаву, батырлыгъы унутулма ярамайгъанны, бизге уьлгю болмагъа герекни англата.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
