Меню
16+

Сетевое издание "Району яшаву"  «Будни района»

22.04.2022 09:58 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Налоглар жыйылма тарыкъ

Автор: Шихав Къайирбеков

Апрель айны 19-нда район администрацияны жыйынлар оьтгерилеген уллу залында администрацияны аппаратыны гезикли генгеши болду. Генгешде районну башчысы Магьмут Амиралиев, администрацияны башчысыны орнубасарлары, бёлюклерини ёлбашчылары, юртланы башчылары, райцентрде иш гёреген къурумланы ёлбашчылары ортакъчылыкъ этдилер.

Шо гюнгю генгешде чакъырылып гелген районну суд пристав къуллугъуну ёлбашчысы Руслан Беймурзаев ва 14 номерли МРИ ФНС-ни ёлбашчысыны орунбасары Магьаммат-Бухари Ибрагьимов ёлдашлар да ортакъчылыгъын болдурдулар.

Чараны гиришив сёз булан Магь­мут Амиралиев ачды ва юрютдю. Ол залдагъылар булан саламлашып битген сонг, шо гюн къаралажакъ район бюджетни 2022-нчи йылда налоглар жыйывну 1-нчи кварталында гелим гесегини толуву гьакъдагъы масъаласы арагъа салынды.

Къарабудагъгент район муниципал районну консолидированный бюджетини бу йылны апрель айыны 1-не гелим гесегини толуву гьакъда районну башчысыны налоглагъа ва налогланы жыйылывуна къарайгъан орунбасары Сапиюлла Сайитов маълумат берди.

С. Сайитовну сёйлевюнден ачыкъ болгъаны йимик, 2022-нчи йылны биринчи кварталында район бюджетни налогланы ва налоглардан тышгъари гелимлерини толуву 88 процент. Демек, план булангъы 71147,3 минг манатны орнуна гьакъыкъатда 62738,4 минг манат жыйылгъан.

Сапиюлла Сайитов чарада сёйлевюн узата туруп, ерлерде налогланы жыйылывуну барышын ва борчланы санавлар гелтирип малим этди. Масала, март айны 1-не налог къурумда учётда токътагъан бары да налог тёлевчюлени район бюджетге налог­лардан ва налоглардан тышгъари жыйылывлардан 591201 минг манат борч барны аян этди. Сапиюлла Сайи­товну сёйлевюнден ачыкъ болгъаны йимик, бу йылны апрель айыны 1-не 36000 минг манат тюгюл транспорт налог жыйылмагъан. Буссагьатда да район бюджетге транспорт налогдан борч – 300 миллион манатдан да кёп барны ачыкъ этди.

Сонг Сапиюлла Сайитов эсгереген кюйде, налог къуллугъуну, МВД-ни, пенсионный фонд ва район администрация бирликде гёрген гьаракатны натижасында 2022-нчи йылны оьтген 3 айыны ичинде 100-ден де къолай субъектни пачалыкъ регистрациясы ёкъ, бир вакътини ичинде налог тёлемей далапчылыкъ булан машгъул болагъанын аян этди. МВД-ни къуллукъчулары 200-ден де къолай протоколлар язгъанын аянлашдырды.

Сапиюлла Сайитов оьзюню сёйлевюнде районда транспорт налогланы жыйылывун яхшылашдырмакъ муратда юртланы башчылары адамланы арасында англатыв ишлени юрютме, транспорт налогдан жыйыл­гъан харжлар юртланы орамларын онгарывгъа, оьзге масъалаланы чечме къолланагъанын, англатмакъны гючлендирме чакъырды.

С.Сайитов районда налогланы ва налоглардан тышгъари гелимлени жыйылывуну толуву гьакъда сёзюн тамамлай туруп, ерли налогланы жыйывда айрыча сиптечилик гёрсетип ишлейген юртланы эсгерди. Шолай юртланы арасында Къарабудагъгент, Къурбуки ва оьзгелери.

Генгешни ахырында оьзюню гьасил чыгъарып сёйлевюнде районну башчысы Магьмут Амиралиев юртланы башчыларына, къурумланы, идараланы ёлбашчыларына налоглардан ва налоглардан тышгъари тёлевлени, борчларын жыйывну яхшылашдырма къатты тапшурувлар берди.

Шо гюнгю чараны ахырында районну башчысы Магьмут Амиралиев юртланы тазалыгъын болдурув, безендирив масъаланы да унутмады.

Байрамлар гелгинче бары да юрт­ларда тазалыкъны болдурмакъ учун булкъалар оьтгерме герегин, ёл ягъалардагъы тереклеге акъ чапма тарыгъын эсине салды ва шо ишлени яшавгъа чыгъарма юртланы башчыларына тапшурду.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0