Толу кюйде чечмеге болажакъ...
Алдагъы гюнлерде бизин республикабызгъа башында газ холдинг правлениени председателини орунбасары В.Маркелов булан «Газпром» ПАО-ну вакиллерини делегациясы гелген эди.
Артдагъы 30 йылны ичинде бизин районгъа гелген делегацияланы арасында шо инг де абурлу ва агьамиятлы делегация. Олар республиканы халкъын газ булан таъмин этмек, бизнесге кёмегин болдурмакъ мурат булан гелген.
Йылны ахырында Россияны Президенти В.Путин уьлкени министрлерини кабинетине ва гьукумат компаниялагъа республиканы ягъарлыкъ-энергетика комплексине тарыкълы кёмеклени этмеге тапшургъан. Сан янлы ва йырылмагъан кюйде ток ва газ булан таъмин этив савлай Дагъыстанны оьсювюнде, шону ичинде гьар муниципал къурулувну оьсювюнде де уллу роль ойнажакъ.
Къарабудагъгент районда артдагъы йылларда теплицаларда помидорлар ва башгъа овошлар болдурув гюн сайын оьсе ва кёп бола. Теплицаларда ишлейгенлер оьзлени иши булан тюзевлю машгъул болсун учун, олагъа сан янлы ва бёлюнмеген кюйде газ ва ток болдурулмагъа тарыкъ.
Олай да, гьар адамны уьюнде де ток да, газ да болма герек. В.Путин таклиф этген догазификация программа шо масъаланы толу кюйде чечмеге болажакъ. «Газпром» ПАО-ну делегациясы республикабызда ТЭК-ни оьсювюню программасын къурма ва бизге тапшурма болар деп инанаман”,-дей Къарабудагъгент районну башчысы Магьмут Амиралиев.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
