Меню
16+

Сетевое издание "Району яшаву"  «Будни района»

04.02.2022 09:59 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Олар ачлыкъгъа ва сувукълукъгъа енгилмеген

Уьлкебизде январ айны 27-нде «Къамав аш» деген гьаракат оьтгерилди. Демек, гьаракатгъа гёре Къарабудагъгент школаларда, китапханада ва музейде эсделик чаралар оьтгерилди.

Шолай, Къарабудагъгент Баш китапханада «Олар ачлыкъгъа ва сувукълукъгъа енгилмеген» деген баш булан къоччакълыкъны дарсы оьтгерилди. Оьтгерилген чараланы аслу мурады – яшёрюмлени патриот ругьда тарбияламакъ, оланы оьз халкъына бавурлу, рагьмулу, халкъыны къоччакълыкълары булан оьктем болма уьйретмек.

Китапхананы къуллукъчулары чарагъа гёре «Яшавну ёлун эсибизде сакълажакъбыз!» деген эсделик тамны гьазирлеген эди.

Баш китапханачы А.Пашаева къамавдагъы Ленинградда ачлыкъгъа, сувукълукъгъа да къарамайлы, халкъ ишлеп, охуп тургъаны, оланы ругьун шаирлер де ва язывчулар да гётерип тургъаны, халкъы шагьарыны гьар абат ери саялы къанын-жанын аямай ябушгъаны, оланы игитликлери гьакъда хабарлай. «Яшавну ёлу» гьакъда айта туруп, ол машин гьайдавчу Филипп Сапожниковну къоччакълыкъларын эсге ала. Олай да, гиччи ленин­градлы къыз Т.Савичеваны къысматын гёзден гечире. Ону дневнигиндеги язывланы охуй.

Чараны барышында яшлар къамавну гюнлеринде адамны яшаву къыркъылмасын учун берилген гиччи аш гесекни гёрелер.

Чарада ортакъчылыкъ этген Къарабудагъгент 5 номерли орта школаны охувчулары къамавдагъы Ленинградгъа багъышлангъан шиъруланы гёнгюнден охуду.

Къоччакълыкъны сагьатын узата туруп, районну маданият ва туризм бёлюгюню ёлбашчысы Н.Мурзаева 1944-нчю йыл январ айны 27-нде Ленинград Уьстюнлюкню байрамын оьтгергени гьакъда айтды, ленинградлыланы къоччакълыкъларын бирдагъы керен эсге алды. Охувчуланы элни тарихин билме, къоччакълыкъланы эсде сакълама чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6