Гезикли жыйыны оьтгерилди
Январ айны 30-нда Къарабудагъгент районну ветеранларыны Советини гезикли жыйыны оьтгерилди. Жыйында Советни уьюрлери, олай да чакъырылып гелген ёлдашлар ортакъчылыкъ этдилер. Эсгерилген шо жыйынгъа салынагъан аслу масъалар булан жыйылгъанланы жыйынны секретары, Гьели юртдагъы тамазаланы Советини ёлбашчысы Заманагъа Агъаев таныш этди ва, биринчи масъалагъа гёре, ветеранланы Советини председатели Имамутдин Жалиловгъа сёз берди.
И.Жалилов оьзюню сёйлевюнде оьзлер оьтген 2021-нчи йылда этген ишлер гьакъда жыйылгъанлагъа толу маълуматлар берди, гележекде этмек учун гёз алгъа тутулгъан муратлары гьакъда да англатывлар этди. И.Жалиловну докладындан сонг къурум масъалалагъа да къаралды. Шонда Руъмитдин Вагьитовну медицина якъдан къурулгъан комиссиягъа председатель этип, Исламитдин Муталимовну спорт ишлеге къарайгъан комиссияны ёлбашчысыны заместители этип, Абдуллабек Самадовну буса прес-къуллугъуну ёлбашчысы этип бир тавушдан сайладылар. Шо жыйында чыгъып сёйлеген ёлдашлар – Акай Халилов, Адилхан Паталиев, Исламитдин Муталимов, жыйынны секретары Заманагъа Агъаев ва оьзге ёлдашлар Советни оьтген йыл этген ишлерине яхшы багьа бердилер. Гележекде ветеранланы, пенсиядагъыланы гьайын эте туруп, дагъы да яхшы ишлемеге гёз алгъа тутдулар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.