Аврувлагъа кёмек
Алдагъы гюнлерде “Байболат-Гьажи” рагьмулу фондну атындан Къарабудагъгент районну администрациясы район больницагъа коронавирус аврувну билмек учун къолланагъан 2500 экспрес-тестлени берген.
Ачыкълашдырып айтгъанда, больницагъа берилген тестлер, оьзге ПЦР-тестлер булан тенглешдиргенде, коронавирус аврувну аян этивю аз болжалны ичинде мекенли бола. Демек, район больницаны врачларыны ва медицина къуллукъчуларыны иши енгил бола.
Шо рагьмулу ишни алдагъы гюнлерде Къарабудагъгент район администрацияны башчысыны орунбасары Жалалутдин Жамалутдинов кютдю. Айтагъаным, экспрес-тестлени Къарабудагъгент район больницаны баш врачы Расул Гьиравовгъа тапшурду.
«Къарабудагъгент ЦРБ-ни бары да къуллукъчуларыны атындан “Байболат-Гьажи” рагьмулу фондну ва Къарабудагъгент район администрацияны ёлбашчыларына, аврувну тезликде аян этмек учун къолланагъан тестлени бергени саялы, баракалламны билдиремен
“Сиз берген экспрес-тестлер лап да авур ва къыйынлы аврувланы дестине билмек учун къоллажагъыбызны ташдырып айтмагъа сюемен”,- деди оьзюню баракалла сёзюнде Къарабудагъгент район больницаны баш врачы Р.Гьиравов.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
