Алдынлыкъны къазангъан
Охувчуланы Бютюнроссия олимпиадасы – лап да абурлу ва сыйлы мердеш булан оланы билимин ва пагьмусун аян этеген чара.
Шолай олимпиада да республика даражада алдынлыкъны алмагъа ким буса да бажармай. Айрокъда юрт школада охуйгъан охувчулар шолай уьстюнлюклеге етсе, ону булан оьктем болмагъа борчлубуз.
Къарабудагъгент гимназияны 9-нчу «б» класыны охувчусу Нюрсагьадат Османова шолай уьстюнлюкге етишмеге бажаргъан. Демек, Н.Османова обществознание предметден, район этабындан оьтюп, бютюнроссия олимпиаданы республика тиретинде 1-нчи ерге ес болгъан. Олай да, ол орус тилден 3-нчю ерни къазанмагъа бажаргъан.
Шулай уллу уьстюнлюклеге етишген охувчу къызыбызны къутлай туруп, огъар яшавунда ва охувунда дагъы да оьрлюклер ёрайбыз.
Олай да, огъар дарс ва билим берген муаллимлери – Мадина Гьажиевагъа ва Бурлият Тавлуевагъа – савлукъ ва уьстюнлюклер ёрайбыз!
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
