Иш сапар булан...
Дагъыстан республиканы юрт хозяйство ва сурсат министерлигини министрны орунбасары Эмин Шайхгьасанов бизин районда болгъан ва «Умаров» деген сабанчы-фермер агьлюде ишни салынгъан кюю булан таныш болгъан.
Оьрде аты эсгерилген хозяйство 2021-нчи йылда сют гьайванчылыкъда сакъланагъан гьайванлагъа токъ къышлав болдурмакъ учун емлер топлавда чыкъгъан харжланы бир къадарына гьукуматны янындан этилеген субсидиялагъа ес болгъанланы бири.
Гьукуматны янындан этилеген бу чара уьлкеде сют болдурувну, савулагъан сыйырланы гезивлерин артдырмакъ муратда этиле.
Юрт хозяйство предприятие жамият гьайванлагъа (сыйырлагъа) къатты сувлу, тири емлер топлавда этген харжларыны 50 проценти гьукуматны янындан кёмек этиле.
- РФ-ни гьукуматы гетген йыл шу муратлагъа регионлагъа 10,5 миллиард манат акъча гёрсетген эди. Бизин республикагъа 356 миллион манат тийген. Шо акъча маяланы ДР-ни юрт хозяйство министерлиги регионну 140 юрт хозяйство продукталар болдурувчуларына пайлагъан. «Умаров» деген сабанчы-фермер агьлю шо субсидияны алгъанланы бири, – деди Эмин Шайхгьасанов.
«Умаров» деген сабанчы-фермер агьлю 2013-нчю йылдан берли ишлей. Мунда, оьр жынслы, кёп сют береген голштино-фризский, къара-ала, дагъы да айрширский жынслы гьайванлар (сыйырлар) сакълана.
Министрни орунбасары бу хозяйствогъа этген сапарында производство биналагъа, сыйырланы савагъан процесге, гьайванланы гьалына, къышлавгъа гьазирлигине тергев этген.
«Емлер хозяйствода таман къадарда бар, гьайванланы семизлигине къарагъанда да, мунда гьайлы, бажарывлу адам ёлбашчылыкъ этегени гёрюне. Мунда тоннадан да къолай сют савула, продукция дестине сатыла, шону ичинде хозяйствону молокоматларындан таба да сата», — деди Эмин Шайхгьасанов.
«Умаров» деген сабанчы-фермер агьлюню ёлбашчысы гележекде сют болдурувну къадарын дагъыдан-дагъы артдырма гёз алгъа тутгъанын яшырмады.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
