Меню
16+

Сетевое издание "Району яшаву"  «Будни района»

28.01.2022 10:02 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

11-нчи сессия оьтгерилди

Автор: Багьавутдин Самадов

27-нчи январда, хамисгюн, район администрацияны жыйынлар оьт­герилеген уллу залында «Къарабудагъгент район» муниципал районну депутатларыны Жыйыныны гезикли 11-нчи сессиясы оьтгерилди. Сессияны ишинде депутатлар булан бирче районну гьакимбашы Магьмут Амиралиев де оьзюню ортакъчылыгъын болдурду.

Районну Жыйыныны гезикли сессиясын «Къарабудагъгент район» муниципал районну депуталарыны Жыйыныны ёлбашчысы Адил Салаватов ачды ва юрютдю. Инг башлап, А. Салаватов депутатланы ва оьзге чакъырылгъанланы сессияны гюнлюк низамы булан ювукъдан таныш этди.

Сессияны барышында район Жыйыныны депуталары 6 тюрлю масъалагъа къарадылар. Шоланы ичинде болжалдан алда депутатны къуллукъларындан азат этив, янгы депутатны белгилев, МВД-ни Къарабудагъгент райондагъы хас бёлюгюню 2021-нчи йылдагъы ишини гьакъында гьисап берив, районну тергев-гьисап палатасына аудиторну белгилев, район администрацияны бир-бир ихтиярларын ерли юрт администрациялагъа тапшурув, «Къарабудагъгент район» муниципал районну 2022-нчи йылгъа ва планлашдырылгъан 2023-2024-нчю йыллагъа къабул этилген бюджетлерини гьакъындагъы» къараргъа толумлашдырывлар ва алмашынывлар этив гьакъдагъы масъалалагъа къарадылар.

МВД-ни Къарабудагъгент райондагъы хас бёлюгюню 2021-нчи йылдагъы ишини гьакъында гьисап бермеге район бёлюкню ёлбашчысыны заманлыкъгъа борчларны кютеген Баттал Албёрюевни район Жыйыныны ёлбашчысы Адил Салаватов трибунагъа чакъырды. Ону докладындан сонг, районну администрациясыны башчысыны орунбасары Магьамматгьанипа Зугьумов, Къарабудагъгент юртну башчысы Магьамматсолтан Гьасанов, районну жамият палатасыны ёлбашчысы Абдулгьамит Мамагишиев сёйледилер ва депутатлагъа РОВД-ни ишине орта багьа бермекни таклиф этдилер.

Олай да, сессияны барышында, гьаманда йимик, район администрацияны финанс ишлеге къарайгъан управлениесини ёлбашчысы Абубакар Шагьманаев «Къарабудагъгент район» муниципал районну 2022-нчи йылгъа ва планлашдырылгъан 2023-2024-нчю йыллагъа къабул этилген бюджетлерини гьакъындагъы» къараргъа толумлашдырывлар ва алмашынывлар этмеге оьзюню таклифлерин берди.

Сессияны барышында оьзюню ортакъчылыгъын болдургъан районну башчысы Магьмут Амиралиев де, МВД-ни Къарабудагъгент райондагъы хас бёлюгюню 2021-нчи йылдагъы ишине яхшы багьа бермекни таклиф эте туруп, полицияны къуллукъчуларына районну жамиятыны атындан разилигин билдирди.

Сонг да, сессияны вакътисинде депутатлар районну Жыйынына янгы депутатланы да белгиледилер.

Сессияны ахырында ону ачгъан ва юрютген «Къарабудагъгент район» муниципал районну депутатларыны Жыйыныны ёлбашчысы Адил Салаватов, депутатлагъа ва район администрацияны жаваплы къуллукъчуларына сессияда ортакъчылыгъын болдургъаны саялы, баракалласын билдирди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5