Меню
16+

Сетевое издание "Району яшаву"  «Будни района»

21.01.2022 10:29 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Чаралар гёрюле

Автор: Багьавутдин Самадов

Оьтген арбагюн, 19-нчу январда, район администрацияны башчысыны иш кабинетинде районну башчысы Магьмут Амиралиевни ёлбашчылыгъы булан коронавирус аврувну яйылывуну алдын алывуну оператив штабыны гезикли генгеши оьтгерилди.

Генгешни башында районну башчысы М.Амиралиев, гьаманда йимик, коронавирус аврувну авурлугъу, шону янгы журалары чыгъагъаны, шоланы алдын алмакъ учун вакцина этдирмеге тарыкълыгъы гьакъда бирдагъы керен ташдырып айтды.

Къарабудагъгент район больницаны баш врачы Расул Гьиравов оьзюню сёзюнде райондагъы эпидемия гьалны гьакъында маълуматлар берди. Масала, январ айны 19-на район больницагъа коронавирус аврув булан авруп 19 адам тюшген. Вакцина этдиргенлени санаву буса, ону сёзлерине гёре, 23 мингден айлангъан.

«Бизин район больницабыз тарыкъ герек дезинфекция алатлар ва оьзге дарманлар булан тарыкъ чакъы даражада таъмин этилген. Коронавирус аврувну аян этмек учун оьтгерилеген тест­лер де таклиф этилген даражада. Коронавирус аврувну «омикрон» журасыны яйылыву савлай дюньяда ва элибизде гётеринки гьалда. Шо саялы да, енгил ва орта авруйгъанланы санаву ювукъ гюнлени ичинде кёп керенлеге артмагъа имканлы», — деп эсгерди Къарабудагъгент ЦРБ-ни баш врачы Р. Гьиравов.

Оьтгерилген оператив генгешни барышында Магьмут Амиралиев районну ичиндеги бары да юртларда район больницагъа аврувланы етишдирмек учун дежурналыкъ машинлер гьазирлемеге ва аврувну кёп гётерилген ерлеринде заманында тийишли чаралар оьтгермеге тапшурду.

«Шолар булан янаша халкъны арасында ва айрокъда жамият транспортда маскалар гиймекни таклиф эте туруп, район администрацияны жаваплы къуллукъчуларына ва иш гюплерине рейд чаралар оьтгермеге тапшураман. Шо чараланы сатыв-алыв юрютеген тюкенлерде ва оьзге идараларда вакцина этдирилгенине ва QR-кодлары барлыгъына тергев этмеге герек.

Олай да, школаларда ва яшлар бавларында дезинфекция этеген къуралланы (фильтр) къолламагъа тарыкълыгъын бир де унутмагъа тюшмей», — деп тамамлады оператив штабны гезикли генгешин районну гьакимбашы Магьмут Амиралиев.

Гертилей де, коронавирус аврув артдагъы вакътини ичинде савлай дюньяны халкъына гюч этип тура. Гьатта бир-бир уьлкелерде авруйгъанланы санаву 1 миллиондан арта бара.

Олай да, вакцина этдиривню гюч­лендирмек муратда бир-нече пачалыкъда адамлагъа къодулар салмагъа таклиф этилген.

Гёресиз, гьюрметли халкъым, шу аврувну алдын алмакъ учун билими ва пагьмусу бар алимлени ва ­докторланы таклифлерине тынгламагъа тарыкъбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4